Member-te hriat atan

MRO Card siam: August thla chhung MRO Card siam mi-13, Card renew mi-2 an awm a ni. Rawn thleng tharten MRO hi belbul tlakah ngaiin Card an rawn siam zel a. MRO pawhin tun aia nasa zawka member-te tan theihtawp chhuah zel a tum a ni.

Pastor a rawn thleng: Malaysia MCF Pastor Rev. Lwan Maung chu August 30, 2014 inrinni khan Malaysia tluang takin a rawn thleng. Amah contact duh tan Ph: 012-941 2254 a ni e.

Post Malaysia: Ram dang atanga bungrua an rawn thawn a Pos Malaysia a va lak a ngaihin he address hi i chhin chhiah dawn nia.

Pos Malaysia International Hub
Pos Malaysia Berhad
Jalan KLIA S1
64000 KLIA

Taxi a kan kalin innghahtir a tha. Haw leh lamah Taxi (or) Bus vang tak a ni. Awm lo ang tluak a ni e. Tv. Lalkulhpuia nen tum khat chu Pos Malaysia chhehvelah Taxi leh Bus zawngin/ nghakin dar kar 2/3 vel kan vak vai. Kan riak tep a ni. A tawp atawp-ah Taxi kan phar fuh hlauh mai a, kan rawn haw thei hram.

Klang kapar MCF Gospel: Klang kapar MCF te pudu ah August 31, 2014 Sunday zan khan Gospel an rawn kala, an hlim tlang hle a ni. Mimal solo 2, Zaipawl leh Rawngbawl tura chhandam tih thupui tha tak mai sawina an rawn nei bawka, an hlawk puiin , an hlim tlang hle a ni awm e.

Sulhnu leh Nunhlui

By: Kawlngheta (Vaiphei)

Kan naupan lai hun ka ngaihtuah chang apiangin, kan kawmchhak Thingtuluang chunga U Lalhnema Thawnthu sawi thin kha ka hre chhuak ziah thin. Chung hun laia a sawi then khat ka la hriat chian deuh deuhte chu. “Puvawma leh Zawngte” te, “Lalruanga leh Keichala” te, “Pathlira leh Hrangchala” te, “Rahtea” a sawi tum phei chuan kan lo khawngaih lutuka, kan mittui hialte kha a tla thin kha a ni a. Hlauhawm lam “Thinlanga” a sawi erawh chuan kan hlau lutuka mahniin in kan hawng ngam ta lo thin a. Amah bawk chu a buai leh ta thin a. Pakhat te tein mi a thlah kual leh thin.

U Lalhnema hi keini aia kum 3 zeta upa hi a ni a. Keiniho zingah chuan changkang tak hi a ni reng a. Tun khaw hnua ka ngaihtuah let hian, U Lalhneman Thawnthu mi a hrilh thin kha belh a nei zeuh zeuhin ka hria. Mahse a hun lai kha chuan a sawi ngaihnawm thei em maia lo belh ta pawh ni se, a ngaihnawm kan ti tho tho. A thawnthu sawi ngaihthlak loh hlau khan a thu reng kan awi hlawm na sa mai.

ENTAWN TLAK NUN

   

Tum khat chu kan chhungin Bazaar turin Giant lam kan pan a, ka fapa chu nawrlira nawr pahin nu ber bag kokiah batin thuawih leh nun nem ang takin nu ber sirah chuan ka kal ve hna hna a. (Malaysia MCF pa-ho tih dan thin a ni) Giant kan thleng a  nu berin  thlaihnah zawrhna lam a pan a, kei pawh  nau awm pahin eng eng emaw en kualin Giant chhungah chuan ka tei kual ka tei kual ve a.
 
Nu ber phalna lo chuan lei ngam dawn lo mah ila ka fapa vitamin tur te chu ka lo en kual ve a. Chutia ka en kual velnaah Vitamin bur keh thei lehkha khawnga tuam chu ka thlauh keh ta hlauh mai a. A tui a rawn baw chhuak ta vek mai. Rm. 15.90 man a ni. Ka hawi kual hruk hruk a, eng nge ka tih tak ang. Ka fapa lah chu an thil zawrh te ban tumin a lo phar ve chiam a, min en ve kar bawk si.

Naupang Sunde Sikul (NSS)

Naupang Sunde Sikul (NSS): Then khatin Naupang Sunde Sikul hi NPSS tih ten an ko a/ an ziak a, mahse kan lo koh/ziah dan thin angin NSS tiin ka’n hmang zel ang a. Ka ngaih danah chuan Naupang tih hi thumal khat a nih avangin NP ti lovin N tih mai kha dikin ka hmu ve.

Chu chu ka sawi tum tak a ni lova, Naupang Sunday School hi a pawimawh tih tu pawn kan hria. Hmun hma kan neih that loh avangin NSS hi tha tak a an neih lohna a rei tawh a. Ti nawk nawk ang vel kan ni thin. August 17, 2014 Malaysia MCF sunday inkhawm ban khan NSS zirtirtute leh MCF O.B te thu khawmin sawihona neih a ni. Rei tak sawiho a nih hnuin NSS hi Pastor Quarters-ah zing dar 9 atanga dar 10:--- thleng zira zir zawh veleh kan inkhawmnaah min rawn fin se tih chu kan zaa lungrual tak a thu tlukna a ni.
  
A lawmawm tak zet mai. Mi tinten naupang kan lo ngai pawimawhzai a lang a, an mahni puala fianrial a inkhawmna hman theih hi a pawimawh hle a, Lalpan Zirtirtute chu  thlarau thianghlimin kai hruai se Naupangte chu kawng dik an kawh hmuh theih nan Lalpan awmpui rawh se.

Naupang Sunday School (NSS) ten Guitar thar lei : Malaysian MCF, NSS Sunday zing inkhawmna a hman atan guitar thar RM.500 man Sep 3, 2014 khan lei a ni. NSS zirtirtu meeting mek laiin Pu Ngursaithuama’n  RM. 100 guitar lei nan kan thawh ang e tiin aw zang tak a a rawn tinghal mai chu hruaitu nih a van tling tak em! Pathianin a let tam takin malsawm leh rawh se.

MOSSAD ( Israel Secret Service turu tak chu)

By: Ramchhanthanga        
                                                                                             

                                                  

Juda ho ram Israel hual veltu Arab ramte’na an hlauh leh tih em em, khawvelin tluk loh ena an en, an chetna apianga hnehsawh tak mai-a an hna te hlen chhuak thei zel mai Israel dotute’na an hlauh ruk em em chu Israel Secret Service MOSSAD-Central Institute for Intelligence and Special Assignments ho te hi an ni.
  
Israel ram kha ama ke-a a din phat atang khan a vela Arab ramhote nen an innghirngho nghal char char a nih kha. Chutianga thenawm ramte nena buaina nei reng an nih avang chuan Prime Minister Ben Gurion-a khan Secret Service tha tak neih kha tulin a hria. Tichuan, June 1948 khan Secret Service pawl dinna tur order chu a lo tichhuak ta a ni. A hma chuan enthla tur pawl tenau neuh neuh chu an nei ve ngei a, mahse chute taka hman tlak an ni meuh lo.

Chhiar la , Ziak ve rawh

Editorial
                                                                                                          
Edenthara Varte

Malaysiaah chuan BER thla te pawh han chuangkai ve thin mah ila KL atang chuan thlasik rim nam pawh kan hnim pha lo va, nitin mai hian sur leh sa karah kan tawm im a ni ber mai. Zing lamah a sa a tlai lamah a sura, a chang leh a duh duh hunah a rawn thlawr thla leh bawka, chuti reng reng chuan kum pui lingletin tlai ni kan lo chhiar liam tawh thina, kan chenna ram a nih miau avangin van lam boruak thuah tumah kan phunnawi ngai lo. Chutiang deuh bawk chuan sawi hnu leh sawi hnu ZIAK leh CHHIAR bawk hi i han ti leh teh ang. Hnampuite hnam nun intehna chikhat chu ziak leh chhiar ( Literature ) lam atang hian a ni. Lehkha chhiar tam lo chu a hriatna zima a hmuh dan leh ngaih dan hi dik ber tha berah a ngai fo thina, chu tak chu a hriat lohna a lo ni zawk.

MAWHPHURHNA HLEN

Kan rawn pian phat atangin tih turin min hmuak nghal a, nu pum chhung atanga kan chhuak rual rualin kan dam khaw chhuah theih nan mahni a thawk (breath) nghal a tul a, kan tal a, hnute tui a halin tapin hunte kan ngen a, he khawvelah kan din khaw chhuah theih nan hringnun kan hmang tan nghal a  ni.

Kan rawn puitling chho zel a, hna chi hrang hrang kan thawk a, chuta kan hnathawhnaah kan tih tur kan hmaa awm chu zo taka titura mawhphurhna neitu ber chu mahni hi kan ni. Restaurant a hna kan thawh chuan customer-te tha taka lo enkawl a, an duh thusam ang ngei a lungawi tak an awm theih nan a lo mikhual chu kan tih tur a ni.

Dawr kan nghak a nih pawhin boss te an rawn kal emaw kal lo emaw kan dawr nghah chu rinawm tak leh taima tak a lo enkawl chu kan mawhphurhna dik tak a ni. Mawhphurhna kan tih hi tu emaw hlauh vanga tih lam ni lovin kan tih tur a ni tih hriatna nena tha tak a thawh hi  a ni.

CAMERON HIGHLANDS AH BIAL FANG

Malaysia MCF EC hun ruat angin Cameron highlands ah Malaysia MCF President Pu Ngursaithuama hovin bial fan a ni. Aug 20 tlai 1:30 khan KL atangin Pu Ngursaithuama, Pu H. Biakliana leh Nl. Suzy Lalnunthianghlimi te chu Cameron panin kan kal a, Pathian kaih hruainain tlai dar 6:30 ah Tringkap 46 ka thlang. President Pu Siama hovin min lo hmuak a hlim taka kan in chibai hnuin hmun thianghlim lam panin tlangah kan lawn chho, kan unaute awmna hi a sang lutuk lo na a a vawt nuam tawk hle a ni.
1) Inkhawm zan khatnaah mi 12 kan inkhawm a, Pu Ngursaithuama’n “I vanglai hian i siamtu hrereng rawh” tih thupui hmangin Pathian thu min hrilh a kan hlimin kan hlawkpui ngei pawh ka ring.
2) Inkhawm zan hnihnaah kan unau kawl mi 4 nen inkhawm mi 16 kan ni a, zan dar 8:30 ah inkhawm kan tan. “Lo kal rawh” tih thupui hmangin Pu Mapuia’n Pathian thu min hrilh a kan hlim tlang hle a ni. Pathian thlarauin min awmpui a Nl. Suzy-i zai thiam bawk nen kham lo takin inkhawm chu kan tin leh hram hram a.
   Zan hnih kan riak a Cameron Highlands unaute hi engkimah an inpe zo hle a, an fakawm tak zet a ni. Kan ei leh in tur buaipui reng rengin Pi Ramchuani pawh a mawng a hung hman lova a siam tuiin a chungah kan lawm tak zet a ni.
   Lalpan min awmpui a boruak a nuam bawk nen Pu Ngura phei chuan Bawkte khawh hial a duh a, mahse kan khawh ta lo, in lamah khawh mai ila kan ti leh ta a nih kha. A chhan chu Nl. Suzy mutui lutuk leh vawkril, zawngtah ei tam lutuk hi a ni, mahse buaina a siam lem lo.
   A tawp berna a tan chuan Cameron Highlands a Malaysia MCF rinnaa kan unaute tanrualna, rinawmna leh inpekna hi entawn tlak tak a ni. A kal tawh phawt chuan dam chhungin kan hrereng dawn a nih hi! Cameron Malaysia MCF Lalpan malsawm zel rawh se. (Reported by H.Biakliana)

Hming, DOB etc. In Ang Buaina

                                                                                                   Josiah, Coordinator

A hma khan he mi chungchang kan ziak tawh ngai a kan puang tawh thin bawk. He buaina hi a reh leh chuang lova a la awm reng. An la ching fel dawn chauh zawk a ni. Tun a UNHCR buaina chu hming in ang tam lutuk hi a ni. Hming in ang tia kan sawi hian hming chauh ni lovin pian ni leh kum (date of birth), nu leh pa hming, pianna khua etc. tih te thlengin a in ang vek tihna a ni a chutiang chu a taka thil awm thei lo a nih avangin UNHCR in an pawm thei lo a ni.
    Malaysia a awm UNHCR chauh ni lovin, Bangkok leh UN head quarters ber Geneva ah te pawh he thu hi thlen tawh a ni a UN head quarters in a pawm zam lo hle. Tunah hian hetiang a hming leh pian ni leh kum etc. in ang thup thup hi mi 2300 vel an awm. A then te chu ram thumna an thleng hman tawh a tichuan heng zing a mi 1500 erawh chu tunah hian Malaysia ah an la awm.
    He thil hnawk hi ching fel turin UNHCR hian hma a la mek a. UNHCR a lo thleng thui tawh te entirnan: Lahwahkah (DHS), RSC/OPE etc. atang te tan hmasain an chhui zel anga kumin kum tawpah chuan zawh fel theih an in bei sei. Tunah hian mi 900 vel an phone tawh a heng zinga 400 vel in zawhfiahna interview an chhang tawh a tichuan, heng 400 zing a mi 300 te tan thu tihtlukna UNHCR in a siam sak tawh a ni. Thu an zawh fiah zing a 60 percent te chuan hming lem an pu a ni tih an inpuang.
    Hming, date of birth etc. hnawk hian nghawng thui tak a nei a chung te chu nau piang birth certificate a nu leh pa hming dik lo inziak te, damdawi in a medical record a hming lem in ziak te, Bank account a hming dik lo in record te leh thihna (death) certificate thleng a hming dik lo/lem in ziak te hi a ni. Heng nghawng thui tak ching fel turin UNHCR hian hma a la mek reng a ni.
    He tih rual hian mah ni hming, pian ni leh kum dik tak pu te koh an lo nih ve palh chuan officer te tha taka hrilh fiah mai tur a ni a. Kan dikna an hriat chuan kan UN kawng zawhah harsatna engmah a awm lo ang. Chutiang bawkin hming dik lo kan put avang a koh kan nih pawhin kan hming leh pian ni leh kum etc. te a dik zawk tha taka hrilh mai tur a ni a. Hei hi mi reject-na tur a thil tih a ni lo tih kan hriat fiah a ngai. Amaherawh chu, hming dik lo kan lo putna ah chuan min hrem ve thung ang. Hun eng emaw ti chhung hremna hi reject nih ai chuan a la tha zawk tho tih kan hriat a tha.

 

Lal Isua Din Kohhran

    Kohhran tih hi Greek tawngin Kuriakos (Lalpa ta) tih leh Ekklesia (koh chhuah) tih a in a. Hebrai tawng, “Qahal” tih chu Israel pung khawm sawina a ni. Pathianin a ko khawm a, an hnenah a duh zawng thu a sawi a, a hruai bawk . Thuthlung Thar kohhran chu khawvel mi nihna atanga Krista mi ni tura koh chhuah an ni a. Kristaa tihhran, mi thiang hlim ni tura kohte, Lal Isua din, Ama ta, Ama tana a din, Thlarau Thianghlima chenchilh leh enkawl a ni. Lal Isua ngeiin, “Ka kohhranho ka rem chho vang,” (Mat.16:18) a ti a. Hetah hian Ka kohhranho ka din ang” a tih hi chhinchhiah ila, kan hriat reng tur chu kohhran dintu leh a neitu chu Lal Isua hi a ni tih hi. Chu vangin, kohhranah hian thuneitu ber leh lal ber tur chu Lal Isua hi a ni. Kohhranah hian Isua Krista ni lo tu emaw, thil dang emaw a lal chuan Lal Isua din kohhran a tling lo tihna a ni.

    Kohhran invuah apiang hi Lal Isua din a ni vek kher ang em? A nih loh leh Lal Isua din ni lo kohhran a awm thei ang em? tiin zawhna siam ila, kan chhan dan a inang lo fur awm e. Tun lai kan zinga kohhran ding thar zelte kalhmang leh rawngbawl dan en hian Lal Isua din ni lo kohhran kan awm thei mai lo’ng maw tih hi chhut ngun a tul ta hle. A chhan chu tun lai kohhran ding thar zelah hian Lal Isua ni lo, a din tu (founder) dang an awm zel hi a ni. An kal zel han en pawh hian chung kohhranah chuan Lal Isua aiin founder-te hi an lal hle zel a, pawl hminga ham thatna emaw, malsawmna lo awm pawh hi pu-te ta a ni deuh vek a. Tun hma kum 5 kal taah khan rawngbawlpui thian pakhat thusawi hi ka hre chhuak fo thin a, hetiang hian a sawi a. “Kan kohhran hian pathian pahnih kan nei a, hmuh theih pathian leh hmuh theih loh Pathian, hmuh theih loh Pathian hi chu khawngaihna, lainatna leh diknain a khat a, a duh loh zawnga kan nun chang pawhin a hnena ngaihdam kan dil chuan min ngaidamin kan phu loh malsawmnain min vur thin. amaherawhchu, hmuh  theih kan pathian erawh chu, a hlauhawm hle a, a lung kan tiawi lovang tih hlau reng rengin ka ip reng a. A chhan chu a lung kan tihawi loh chuan kan nihna leh awm hmun te thleng hian tihdanglam a ching a kan hmalam kaisan ve theihna tur pawh hi a thuneihna hian a huap vek a, tuarhlelhawm tak a ni,” tiin. Hetiang kohhranah hi chuan Lal Isuan thuneihna a chang pha ve lo va, founder thu thu kha a ni ber a, Lal Isua din ni lo kohhran kan tih pawh hetiang kohhran hi a nih hmel. A sawi chhun zawm zel a, “ Kan kohhranah chuan pu-te hian an member te hi, hmanrua (raw material)-ah min hmang a, chumi hmang chuan thil (sum, hlawkna) an siam chhuak ani ber a ni,” a ti a. A sawi dik hle awm e. Khawmpui rorel te pawh han nei ve thin mah se, palaite rorelin awmzia a nei hran lo.
    Lal Isua din kohhranah chuan a dintu vei ber, “Bo-te zawnga chhandam” hi an ngai pawimawh ber a, hna tul berah an neih a ni. Kan sawi mek kohhranah hi chuan bote zawnga Chanchin Tha hril an vei pha meuh lo. Chu ai chuan ram eng tawhah mi tu emaw (chhungkhat vuangva zawngin emaw, mahni chipui zawngin emaw) kohhran a awm thalaite hi eng emaw tawktarh hmangin an thlem chhuak ngei thin. Daw lar lar lar chungin Dollar an zawng a, chumi hmang chuan kohhran awm saho hi an tibuai a, hetiang buaina tuar nasa ber chu keiniho hi kan ni awm e.
    Chuvangin, kan awmna kohhran hi Lal Isua din, A duh zawng kawng zawha, a vei ber, “Bote zawnga chhandamna Chanchin Tha hril” hi an vei ber a ni em? Kohhranho rorelna leh kalhmangah hian Lal Isua hian thuneihna a chang nge? tihte hi ngiahtuah a hun ta hle mai.

(CALVARY CHURCH, Silver Jubilee (1986-2011) Hriatrengna Article leh Sermon-te, Published by Calvary Church, Tahan-Kalaymyo)

MRO HISTORY TAWI

                                                                                                      Josiah Z. Khiangte

MRO ti a kan hriat mai thin Mizo Refugee Organization hi August 15, 2007 khan din a ni a. Mi thahnemngai tlem te ten bul tanin vawin ni kan thleng a tunah chuan kum 7 hmel a lo hmu ve ta reng mai. Heng hun kal ta zawng zawng a min enkawltu kan Pathian hming fakin awm rawh se! Amen.
  Tun hma chuan MRO hi MCF kan tih mai Mizo Christian Fellowship hnuaiah enkawl a ni ngai lo a. MRO chu a ma kein a ding hrang a, inkhaihhruaina pawh mumal tak a neih a ni. MRO office hi Bukit Bintang area chhungah hawn ni tlangpui mah se Loke Yew lamah pawh a tulna avangin sawn a lo ni tawh thin. Tichuan, hun a inher chho zel a MRO chuan sumah harsatna lian tak a tawk a. Amaha a din zawh tak loh avangin June 1, 2008 khan MCF enkawlna hnuai a intulut turin ngenna lehkha a pek luh a. Chu ngena chu pawmin MCF hnuaiah rawngbawlna peng khat niin vawiin ni thlengin chhawm nun zel a ni ta a ni.  
   MRO a chanvo nei, nihna nei zawng zawng kan tarlang vek seng dawn lo a. A tlangpui chauh han tar lang ila. MRO a din tirh a President hna chelh hmasa ber tu chu Pu Lalramvulmawia a ni a, he tih lai a coordinator hna chelh tu chu Pu Joseph S. Puia a ni. Pu Joseph S. Puia hian thla 4 vel a chelh a tichuan Pu Peter L. S. Lian-an a thlak a. A ni hian thla hnih khat vel chauh a chelh hman a vanduai thlak takin man a tawk a tichuan, Pu Vanlalpekthar-an coordinator hna a chelh chhunzawm  a ni. Pu Vanlalpekthara hian thla 7 vel a chelh a chuta tang UN tawnglet ah hna a sawn a. Tichuan, Pu Hualsailo-an coordinator hna a rawn chelh ve leh a, a ni hian kum thum a chelh hman a ni. Tun a coordinator ni mek Pu Josiah hi MRO coordinator pa nga-na a ni a. A ni hian October 6, 2011 atang he hna hi chelh tanin vawin ni thleng a la vuan a ni.
  Kan hriat angin MRO hi community, UNHCR lam a hma latu ber a ni a tichuan, MRO a din tirh atang vawin ni thleng a member ramthumna a kal tawh zawng zawng zat chu mi 680 vel an ni a. Kan hriat loh ram thumna a kal member eng emaw zat an awm bawk. A awmzia chu tun a figure ai tam daih kan member te ramthumna ah an kal tawh tihna a ni. MRO tluang taka a kal zel theih nan Lal Pan a tharin malsawm leh rawh se! (Palai Vol.07// Issue 313      August 17, 2014)

MIKHUAL

Editorial

“He lei ram mi kan ni lo;
Khualzin kal lai mek kan ni.”
   Hringnun dam chhung tawiteah hian kan in tawng a, kan in then leh mai thin. He khawvel hi kan chawlh lawkna hmun chauh a lo ni. Chutih karah buaina leh harsatna ten nitin min chimbuai fo thin a. Natna leh hrehawmna te nen. Kan tihloh harsatna ten min chimbuai laiin, mahni ngei a kan chawhchhuah mihring leh mihring inkara huatnate, itsiknate, inthahnate, inthen darhnate,   inhnehchhuhnate, chaklo zawkte rahbeh tumnate, chaponate leh indona ten kan chungah thla a zar reng  zel chu a nih hi!
   A tuk zing bazaar a ar talhna hmun a hralh mai tur arbawm chhunga ar-te pakhat leh pakhat an lo inchuk inchuk a an lo insual vel ang lek hi kan ang a. He khawvelah hian kan awm kumkhua dawn emaw tiin  midang tan harsatna kan siam fo thin hi a van pawi tak em. “Tun lawk khan ka hmu a sin mawle, chutia accident/lungphu chawl a a thi ta mai chu a va mak ve” tih tawngkam te hi tu ta mah a ni bik lo a sin. Kan thih leh dam hi mitkhap kar tak tak hi a lo ni a. Second tin, minute tin a nung thei che thei a kan awm te hi Pathian khawngaihna zar tak tak a ni. Kan nun der thawnzia  hrechiang tak tak ilang chuan mi dang pawisawi nan kan hun te hmang lovin min venghimtu LALPA fak nan kan ka te hi kan hmang fo tawh ngei ang.
   Malaysiaah  zofate pawh kan lo thleng khawm ve a, a tam zawk chu ram thumna kal tum vek kan ni. He hmun hi kan chawlh lailawkna ang a ni a. Khualzin kal lai kan ni. Chuvangin Pakhat leh pakhat inhriatthiamtawnna nen intanpuitawnin hma lam i thlirho teh ang u. (Palai  Vol. 07  // Issue 312          Aug 10    2014)

ISUA KRISTA-AH

Editorial

Pathianin kawng min hawnsak a, A chhiahhlawh Evan. R. Lalthantluanga Malaysia-ah a rawn tira chhun lamah zirna zanlamah sermon-na neiin Pathian thu kan ngaithla tluk tluk   mai a ni. Malaysia MCF President leh Vice President-ten tlar hmasa berah thuin lehkhabu leh ball pen keng rana ni tin min ho theih thin avangin memberte kan thla a muang hle a ni.
 Pathianin Speaker Evan. R. Lalthantluanga hmangin Malaysia awm zofate hnenah thu a rawn sawi a ni ber.  A changleh “bo vang vang rawh” min ti, kan rin loh lam atangin min barakhaih leh thut thin. Chhandamna chungchangah kan tih tel lo Isuan min thawhsaksa kan ring mai a ni a, chu chu “a ni maw” tih mai tur kan ni, “Ring” tih awmzia chu “tang” ni lovin “chawl/awl” a tih te chuan a fiah em em a ni.
  Khata “chaw/awl” dinhmunah  khan tawp  mai lovin ringtu nunah erawh chuan tih tur leh tih loh tur hlira a khat thu min han hrilh leh piap piap chu kawl tawng han hawh lawk ila “kan phyu (var) ” uar uar mai a ni. Samdal-a Theory ah khan tawp ta ringawt ila kan tih ve lam a ni lo tihah kan tawp tut ang a, ringtu tluantling kan ni dawn lo a ni. Pathian thu hi khing bai deuhvin kan zir ang/ kan hria ang tih a hlauhawm hle a ni.
  Kan lo fel/ kan lo that tak vang ni lovin sual (zu in/ living together/dawt sawi) chung chungin Isua Krista thisena min tlan tawhnaah  Pathian lung a awi a  A ngaihdamna kan chang ta a ni. Tichuan  zu in/ living together/ dawt sawi tawh lo turin min ti thung a ni. ( A hmasa tur hi a hnuhnungah tur emaw kan ti fo thin). A hmangaihna leh a khawngaihna hrechiangtute chuan a thu an zawm a LALPA an thlang fo thin a ni. (Palai 07// Issue 311      July 27   2014)

DAY HMANG

Editorial

MCYF a din kum 1-na cham chu July 13, 2014  zing dar 9 Malaysia MCF Sunday inkhawm khan hlim taka hman a ni. Zaithiam tak takten fakna hlain inkhawmte min awi a, MCYF ten “Aw MCF” tih Malaysia MCF hlapui mawi tawkin an rawn rem bawk  nen inkhawm boruak a siam tha hle. Debate thupui“Kohhranah hian Nu leh Pa te aiin Thalaite an pawimawh zawk” tih  kan ngai thla a debate a telte kha  Malaysia MCF a hmuipui pu thlankhawm an ni bawka  kan nui dar dar deuh reng mai a ni. Debate kan ngaihthlak atang khan  Kohhranah Nu leh Pa te leh Thalaite tanrual a tulzia mitinte a ngaihtuah chhuahtira debate a hlawhtling kan tilo thei lo a ni. Inkhawm banah DAY lawm nan theitui tui tak sem a ni.
  Tichuan, tlai lam dar 1:00 ah Tumbuk Day vawi 7-na hmang turin Bus pathumin kan tlan phei leh a, mi-130 chuang vel kan ni. Team 4 ah inthenin Football khelh a ni. Inkhelh zawhah zanriah tuihnai tak an buatsaih chu thehho a ni a mi 130 chuang mikhual thei tura  an inpekzawhnaah a ropui kan ti hle a ni. Thlaihnah tamna a ni bawk a thenkhatte chuan an hawn leh luih mai.
  Chawei kham hnu zan dar 8:30 velah Day hmanna inkhawm tan a ni a, Tumbuk Malaysia MCF president Pu Lalbiakngura’n inkhawm a kaihruai. Kumin Tumbuk Day Thupui chu “Sual kalsan la, thil tha ti rawh” (Sam 34: 14) tih a ni. An thlang tha hle a ni.  Tv. C. Thara a sermon a, Vice President  Pu Hmingthanga’n thusawina a nei. Nl. ZT Sangi leh Nl. Suzy te an solo a, Tumbuk branch zaipawl hla mawi rem kan ngai thla bawk. UN lam chanchin Pu Josiah hnen atangin kan ngaithla. Zan dar 10:30 velah inkhawm kan bang. Kum lo kal leh zel turah pawh LALPA ah rinna nghatin DAY an hman zel theih nan KL Malaysia MCF chuan duhsakna kan hlan a ni. (Palai Vol.7 // Issue 310           July 20   2014)

EVAN. R. LALTHANTLUANGA KAWMNA NEI

Evan. R. Lalthantluanga kawmna nei

July 21 - Aug 3, 2014 thleng Malaysia MCF buatsaih  CHHANDAMNA CRUSADE VAWI 4-NA a kan speaker Evan. R. Lalthantluanga chu Aug 3, 2014 sunday tlai dar 4:00 khan Malaysia MCF EC ten kawmna an nei.
   A hun kal tawh te, Pathian thu a hrilhna a a experience te leh kan zawh apiang te chu rilru sei takin min chhang a, Malaysia a zofate tan fuihna thu te pawh a sawi a ni. Inkawmhona a zawhin zanriah tui hnai tak kan kilho leh a, kan hlim tlang hle a ni.
  Ti chuan Aug 4, 2014 thawhtan tlai dar 6 khan Malaysia MCF Office atangin mi 7 ten KLIA 2 ah an han thlah a, zan 10:30 khan Malaysia atangin Kalkata lam panin a thlawk chhuak ta a ni. 

Ramthumna kal chhuak

August 6, 2014 nilai (an thlawh chhuah hun tak chu 7/8/2014 zing dar 3:30 a ni) khan Malaysia MCF hruaitu lawk Pu Singkhuma leh a chhungte chu kum rei tak chhung nghakhlel taka an thlir ramthumna, USA Indianapolis lam panin an thlawk ta a ni. Pathianin venghimin an awmna hmunah pawh malsawmna pe zel rawh se.

NSS naupangte:

July 29, 2014 chhun khan NSS naupang te chu an zirtirtute nen Timesquares ah Cinema an en. Naupangte hi Pathian thu mai bakah hetia an hlimna tur an ngaihtuahsak hi an zirtirtute an fakawm khawp mai. Thlalak atangin an hlim a ni tih sawi ngai lovin a hriat theih a ni.

QUARTERS HNATLANG

  QUARTERS HNATLANG

Pathian malsawmna kan dawn zela, amah biakna tur leh mi harsa, mangang tluk luhna a tan tiin Lalpan Quarter's min pe hi a lawmawm in Lalpa chauh ropui ber rawh se. Ni sarih chhung teh meuh mai members tlawmngai ten an hnatlang a, hna thawh hah leh hreawm pawh sawi lovin, members ten tlawngngai tak leh phur taka kan han hnatlang leih leih mai chu a hlimawm in a nuam ang reng hle mai. Malaysia ah kohhran hna kan han nei thei te hi a lawmawmin, a nuam dangdai ang reng khawp mai.
   Pu Singa, Pu H Biaka leh Pu Hmingthanga hovin quarter's thawh ngai leh siam ngai zawng zawng , tlawmngai leh tha tho tak mai a kan han thawk ho dial dial mai chu, khua lam kohhran hna tlang vanglai te pawh min ti ngai rum rum mai lawm le. Ceiling fans siam tawk bo lo, chutiang zelin rawng hnawih tu te leh mi dang dang in a tul ang ang kan han thawk ho chu a hlimawm kher mai. Tin leivung thiar ngai kan thalai ten an han thiar tak tak mai chu, darkar hnih awh tura kan ngai darkar chanve chhungin kan han zo mai kha a va nuamin a va hlimawm tak em ! Thalai te kan thatlai hun hi Pathian leh kohhran tana kan hman hian kan biak kan Pathian a va lawm dawn tak em.
   He tianga Quarter's tha tak mai min pe tu kan Pathian chauh ropui ber rawh se. Amen. Tunah chuan kan thalai rual MCYF ten zalen tak leh thianghlim takin hla zir nan leh thil tih ho nan kan mang tangkai hle mai a, Hmeichhia department leh thil tih nikhua kawng engkimah zalen takin Pathian kan fak leh kan chawimawi nan kan hmang ho zel dawn nia. Day nikhua emaw, Kut ni emaw kan hman dawn pawhin hla zir nan leh Hnamlam zirna ah pawh zalen takin kan hmang zel dawn nia. Aw thalai in thlahrung hauh lovin Pathian malsawm min peh Kan Quarter's hi thiam takin i hmang zel ang u hmiang. Chu tiang bawkin Kan quarter's tan pawh tluang taka kan luah chhunzawm zel theih nan Pathian hnenah tawngtaina nen i hlan thar zel ang u tiin kan in sawm nghal duh. Lalpa ropui nan chauh ni mawlh rawh se. (Reported by K.Vanlalnghaka)

RAMRI

                                                                                                            Lalchhanhima

Thuhma
   Khawvel hmasawnna leh changkanna-in a hrin chhuah, khawvel hmun hrang hranga mite inpawh tawn a, ramri kham mumal pawh awm tawh lo ang maia kan infim khawm mek laia, thalaite hnena hetiang thupui sawi hi a inthlahrunawmin a huphurhawm a, sawi sual a hlauhawm hle. Tunlai thalaite zingah chuan dik leh fiah, tlang leh huai taka thusawi a tul miau si a, hlau chung chung, huai tak siin he thupui hi kan sawi dawn a ni. He thupui hian a tibuai leh hnawksak zawnga intihbingna leh inlakhran tlatna lam sawi a tum lo a, hringnun kawng tam taka ramri mumal neih a tulna leh pawimawhna lam sawi a tum a ni.

Hlutna leh Zahawmna: Engkim hian hlutna a nei a, engkim hi a hlu vek lo thung! Hlutna neih theuh theuh hlu vek awm tak i ti mai thei. Mahse, i chhehvelah mai pawh khan hlu lo mai pawh ni lo, hnawksak tlat i hmu nual ang. Engvang nge tiin chhui uluk deuh la, nihna mumal nei lo emaw nih dan tur ang ni lo emaw an ni zel ang. Chuvangin hlutna hi nihnaah a awm a, hlutna hi nihna a ni. Nihna nei lovin a zahawm theih ngai loh.
   Mi tam tak chuan an nihna an hre lo a, an hriat pawhin nih an ngam lo a, mu leh mal nei lovin thli tlehna lam apiangah an len kual duai duai thin. Chung mite chu mahni nihna hria a, ni-te aiin hma an sawn lo a, an hlu lo a, an zahawm thei ngai lo. Mi thenkhatte erawh chu an nih lohnaah niin kuang lo an nawr a, mak takin an awm thung a. Chung mite chu mi tlem te tan an hlu viau bawk a; amaherawhchu, an hlutna chuan ‘mi tlem te’ chauh a huam phak a, mi tam zawk tan erawh chuan ‘mi hnawksak leh mi maksak’ an ni a, nihna loa ni a nih miau avangin an zahawm lo tlat bawk.
   Hlu leh zahawm turin nihna mumal tak neih a ngai a. Chu nihna chu miten ni nia min hriat ang anga nih kual dun dun lam ni lovin, mahni ngei inchian a, mahni ngei inhriat a, mumal leh zahawm taka nih hi a ni.
Ramri leh Nihna: Nihna mumal tak nei tur chuan ramri mumal tak kham a ngai. Ramri kham awm lovin nihna mumal a awm thei lo. Pawlho-ah a ni emaw, mimalah a ni emaw, thil dangah a ni emaw ramri mumal tak neih zel a tul. Kalphung tur, tih tur leh tih loh tur, nih dan leh nih loh dan, thil tum leh kawng zawh tum, ngaihsak tur leh ngaihthah tur, pawm tur leh hnawl tur chungchangah ramri mumal tak siam zel a tha.
    Dan leh dun mumal nei lo pawlho leh mimal reng rengin hma an sawn thei tak tak lo a, an zahawm thei lo bawk. Kan nihna hi kan zahawmna leh hlutna a ni a, nihna mumal kan neih tlat loh chuan engtin mah kan hluin kan zahawm thei lo. Ramri hian nihna a siamin a venghim thin a ni.
Tunlai Khawvel Her Vel: Khawvel finna leh thiamna thang zelin khawvel hi khaw te pakhat angah a chantir a, khawvel mite kan inpawh tawnin kan inchawhpawlh mek a ni. Chu chuanin a hrin chhuah pakhat chu, a awlsam apiang te, a nuam apiang te, a hniak tam lam apiang te, a zalen apiang te zui zel duhna leh chu chu a dik lohna hran awm lo nia hriatna te hi a ni. Engemaw chenah tunlai khawvel her vel hian a tha zawnga hringnun a nghawng laiin, kawng tam takah chuan khawlohna leh mumal lohna a thlen bawk a. Sakhuana sadai te, hnam nihna sadai te, mimal thil pawimawh sadai te leh dan leh dun tha tam tak a thiat a. Nun uluk tulna te, rinawm tlat duhna te, beih hram hram tumna te, hlauh leh zah neihna te leh mumal taka mahni nihnaa niha zahawm taka nun hman duhna te chu puithuna atthlakah a chantir mek.
   Duh ila, duh suh ila, tunlai khawvel inlumlet thlipui hian min nuai zel dawn a, eng ram leh hnam mahin sakhaw pakhat dan hmangin dan an lekkawh ngam lo chho zel ang. Thil nih loh dan tur ang nia kan hriatte, thiang lo anga kan hmuhte, thil nihphunga dik lo leh tha lo nia kan ngaihte hi a huangtau tual tual zel dawn. Hei hi khawvel inher danglam zel dan a ni tlat.
I Nunah Ramri Kham Rawh: Mizo thufing chuan, “Mihring hmelma lian ber chu Mahni,” a lo ti a, keimahni vang vek hian alawm keimahni hi kan nih a, kan nih loh thin ni. Mi tam tak chu hneh thei mah la, nangmah i inhneh tlat loh chuan ‘mi ropui’-a chhal theih i ni lo. Khawvel hi engtiang pawhin danglam sela, i chhehvelah eng thil pawh lo thleng sela, i lo dawnsawn dan leh i lo inven dan kha a pawimawh ber a, nangma nuna mawhphurhna sang ber neitu chu nagmah kha i ni. Chuvangin, nangmah leh nangmah kha inenchiang la, inhratchian tum la, inzir la, i nun kawng zawh dan turah ramri kham mumal siam rawh.
  Nangmah leh nangmah inhriat tumin zawhna hrang hrang han inzawt teh. Nangmah kha tunge i nih? Eng talent nge i neih? Mi eng ang nge nih i tum? Sakhua i nei em? Mi hausa nge i niha, mi rethei? Eng nge i hriselna dinhmun? Eng hnam nge i nih? Nangmah chauhin i awm thei em? Heng zawhna te hi uluk takin ngaihtuah la, nangmahah a chhanna chu a lo lang mai ang. Chu chhanna chuan i nuna ramri kham i siam dan tur a kawhhmuh ang che.
   Kum 18 i tlin tawh chuan i nun kawng i zawh zelna tur atan ramri mumal tak i kham fel a hun tawh. I tih tur leh tih loh tur chin, i nih tum ni tura i hmalak dan tur chin, pawlho zinga i inrawlh thuk dan tur chin, chumi…khami lam hawia i tel ve dan tur chin, i rin tur leh rin loh tur chin, i ei tur leh ei loh tur chin fel taka i bithliah a tul. Chu ramri kham hmanga i nun i vawn tlat chuan, eng thli pawh lo tleh sela, miten eng thil pawh ti sela, i nghing ngai lo ang. Tichuan, i tum ram panin, rinna nen ke i pen zel thei ang a, hmasawnna dik leh tlo chu i nunah a lo thleng ngei ang.
   Chuti ni lo a, ramri kham mumal nei loa nun i hman erawh chuan, a chhuak thar apiang tawngpawngin i zuan ang a, a hniak tam lam apiang i zui thin ang a, thli tlehna lam apiangah i len kual vel ang a, i nunin mu leh mal a nei thei lo ang. Chutiang nihna nei lo nuna i nun chuan hlutna leh zahawmna chu i tan vana rah ang a ni mai.
Tlangkawmna: Khawvel inher danglam zelina hringnun a chhe zawng leh a tha zawnga a nghawng nghin dawt dawt lai hian, kan sakhaw lehkhabu-in amah ngainat chu sual tinreng bul a ni tia min hrilh, a tel loa kan awm theih si loh tangka sum zawnga kan vir vut vut lai hian, mi hausaten mi retheite an duh dan dana an tirh kawi lai hian, sakhuana leh hnam saidai thiaha a awm mek lai hian, politician-ten mite hip tuma mi an thlem zawr zawr vel lai hian, nunkhua suala khawvel mi zawng zawngte kan inhambuai vel meknaah hian, nihna mumal tak nei turin ramri mumal tak kham la, hlutna leh zahawmna nei ang che. Khawvel pum siam danglam turin nangmah i siam ngheh hmasak zet a tul a ni. (zokawtchhuah Vol 10. Issue 105      July 2014)

HMATHLIR TIHZAUH

                                                                                                                 Lalnunpuia

    Hmathlir kan han tih hian ‘Pawn lama kan lan chhuah dan tur chhungril lamah ruahmanna lo neih sa a, a hlimthla lo siam lawk sa diam hi a ni’ tiin sawi ta ila, a fiah thei mai awm e. Tumah mahni hmalam hun hre lawksa mihring kan awm awm lo ve. Amaherawh chu nakin hnua awm dan tur ngaihtuah lawk sa diama, chutiang ni tura tan la fan fante nun leh, mahni hmalam hun lo ar khaw thim dai ve tawp tawpte nun erawh a kar a hla hle thung. Mihringin a ngaihtuah phak chin chu a chanpual a ni a. Ngaihtuahna phal zimtu chuan at tlemin, ngaihtuahna zau tak neitu chuan a at tam mai dawn a ni.   

   Tung chhoa kal mihringte hi tumah mi hlawhchham emaw, mi hnuaihnung emaw, adt..tumah mi baih vai nih duh kan awm awm lo ve. A nih si chuan engvanginnge kan duh ang dinhmuna kan din theih thin loh? A chhan chu kan ngaihtuahna a kal sual thin vang a ni. Chu chu Isuan a hre chiang hle a, a zirtirte hmathlir tizau turin tihian a fuih a, “Tuman uain thar, savun uain peng hluiahte an thun ngai hek lo”tiin. Heta Isua sawi tum tak chu “Ngaihtuahna phal chin nei chung chuan nun ropui a neih theih loh” tih hi a ni. Nun ropui tak neih i duh chuan i hmathlir han zauh hmasa phawt teh, Isua zirtirna a ni si a. Nimahsela, chutianga ti duh lo a i ngaihdan zimte ti lala, i ngaihdana i in khal kal lui tlata. “Mite nuna kan hmuh thin nun hlimnate hi ka tan chuan vana rah ang a ni” tia ngaihtuahna phalchin neia inthlak danglam duhna i neih loh chuan Pathianin thiltha nangmaha tih a tum chu i hloh dawn a ni.     

  
     Pathianin Israel fate Aigupta ram a ta a hruai chhuah khan an thlenna tur ram kha pan ding ta se, ni 11 kal vel chauh a ni. Mahse kawng lakah kum 40 thlawt an thang a nih kha! Eng vang nge?  Engatinge vawi tam tak tlang ngai hlir an hel an hel? A chhan chu, Pathianin Aigupta sala an tan lai daih tawh a tanga an tana a pek, khawizu leh hnute tui luanna ram nuam tak chu an ngaihtuahna chuan an mahni chanvo a tan a pe phal tlat lo a ni. ‘I rilruah indona a awma, i rilru i hneh theih loh chhung chuan indonaah chuan i tlawm sa’ tihna a ni.
   I ngaihtuahna savun uain penghlui tak kha, a tharin thlak rawh! Thomas Edission-a kha lehkha thiam thei lo tak, pawlthum pawh zir zo lo a ni a. Mahse a hmathlir tizau a, tum ruhna leh chhelnaa a nun  chhera, rinna mita a hmaa hlawhtlinna lo awm tur chu thlira, rim taka a thawhna chuan mi ropui tak a nih tir a nih kha. Pathianin “A ni” a tih chu nangin, “A ni lo”  ti ngawt suh. Amah chuan tihtheihloh reng a nei si lo. ‘Kawng awm lo ata kawng a awm chawp tirin,  tuma khar theih tawh loh turin a hawn sak thei’.  Unau, Isua i lama a tan chuan tuin nge do thei ang che?
   Mihringte hian thiltihtheihna sang tak kan nei a. Chu kan theihna sang tak hmang thei tur chuan nun hi rinna mita thlirin, beiseina nen  kan thanglian zel a ni tia dinhmun thara kan inkai san tir theih a pawimawh. Rinnain i hlawhtlinna chu ngaihtuah la. Chu I ngaihtuahna chu a takin a lo thleng ngei dawn a ni tih beiseiin,  buaina chhumpui kara ni engmawi tak hmu turin hmalam pan hram hram teh khai! Harsatna paltlang theih hi hlimna kawl lo eng tanna bul a ni si.
     Vawinah hian tlan mite tan chuan minute 4 chhung leka mel khat tlan chu thiltheih a lo ni ta. Unau, I rilru ngaihtuahna a eng zawng ni tura i thunun thei a nih ngat zawngin, he khawvelah hian i hnehtheih loh tur engmah a awm lo. Rinna, beiseinaa i pen chhuah tiharsatu, nangmaha daltu awm zawng zawng chu thiat darh vek la, vawina mi ropui tak tak i tihte chanvo chu nangmahah a lo thleng thei reng a ni tih ringngam rawh. I rilru ngaihtuahna i tih hmasawn chak pauh leh Pathianin i hmaa malsawmna a dah chu, i haichhuak chak ting mai dawn a ni. Pathianin malsawmna chhiarsen loh vur che a duh a. Chu malsawmna dawng tur chuan amahah i rinna nghatin, a ma duh dan leh remruat anga i nitin nun i hman erawh a tul. Bible chuan “Mifing pawla i lo fing ang” a ti a. Mi hlawhtling kawm la i hlawhtling ang. Unau, a thim zawngin thil ngaihtuah ngai suh. Pathian chuan i chhiatna turin hna a thawk ngai si lo. A thim zawnga ngaihtuahna neih tira, tihchhiat vek tumtu che chu Setana ni. He i chhiatna duhtu Setana hnathawh hi Isua nen chuan hnehtheih a ni a, Isuan amah nena tang duh tur chuan I hmathlir i zauh erawh a phut.
   Thufing chuan, “ I duh chuan kawng a awm” a tia. Mihringin ‘Duh zawk’ a neih theihna chu chhungrila a ngaihtuahnain thutlukna a siam vang a ni. Chu mihring ngaihtuahna chu a tha lam a nih a van pawimawh em! Unau, I nunah thil pawimawh tak hlen tur leh awmze nei zawka ti turin inbuatsaih la.  I rilruin dunthlanna siam la. I duhna chu chetchhuah tir thin la. Beiseina nung neiin a englam ngaihtuah fo thin ang che.
    A tawp ber a tan chuan, I hlawhtlinna hmahruaitu chu i hmathlir i zauh kha  a ni a, i hlawhtlinna kawng dal theitu awm chhun pawh i rilru ngaihtuahna bawk kha a ni. Tichuan I hlawhtlinna leh hlawhchhamna inkar chu i rilru sukthlekna chuan a hril dawn a lo ni reng mai. Aw le! Rilru fim leh ngaihtuahna thiang tak hmangin, i thiltihnaah i hlawhtlin zel theih nan hmathlir zau tak lo nei hmasa phawt mai teh! Chu chu hlawlhtlinna kawnga rahbi pawimawh hmasa ber a ni si a.
( He article hi kum 2014 ZKC thu inziaksiak lawmman pahnihna dawngtu thuziak a ni. Ed)


                   

Taimakna

  J. Lalengkima

 
Eng hna pawh mahni kova tla, tlansan lova thawhzel duhna rilru hi “Taimakna” chu a ni. India ram zalenna sual chhuaktu, India hnampa tia kan koh Mahatma Gandhi chuan ‘Taimakna’ tih tawngkam hi he tiang hian a hrialhfiah, “Mahni inzahna leh mahni inphatsan avanga hna chi tin reng (a tha lamin) thawhduhna hi taimakna a ni” tiin. Chutiang bawkin Bawih chhuahtu ropui Abrahma Linclon-a  chuan “Taimakna chu thatchhiatna hmelma, a hmei a pa, puitlin leh  puitlin loh lanna darthlalang a ni” a lo ti bawk a ni.  
  
A sir lehlam a thlir chuan a atthlak zawnga taimakna a awm bawk Sap hovin “Iron Soldier” tia an koh Hitler-a kha han ngaihtuah chuan ama hming thatna leh mahni hma a sialna te, a nunrawnna leh a in pekna zawng zawng te kha eng thil vang nge? A fin bik   vang em ni? Nilo, taimakna saruak amahah a awm tlat vang zawk a ni. Hebrai (Juda) hnam, nuai engemaw zat nunna laksak duhna te, German sawrkar hi khawvelah lo ropui ber rawh se, tih duhna rilru chapote, pawisawilo (innocent)  thisenchhuah a rawngra taka tihhlum zui duhna rilru chu engtianga inpe nasain, taima mahse, “Taimakna” kan tih, tuna I chhiar lai mek tum hi chu a tling zo lo.

Resettlement (RST) Chungchang

By: Josiah Z. Khiangte, Coordinator

UNHCR-CDU  chuan a tih dan thin angin community hrang hrang hruaitute ko khawmin June 27, 2014 khan meeting a neih pui leh a. He meeting a main speaker, thu sawi tu ber chu RST department atang officer a ni. Mi tam tak in refugee chanpual emaw kan tih mai thin ram thumna kal (resettlement) hi a ve reng turah kan ngai a mahse officer chuan UNHCR hian refugee te ram thumna a kal turin engmah bat a nei lo a resettlement hi refugee te chanpual hrim hrim a ni lo a, refugee zawng zawng te ram thumna naah a thawn chhuak thei lo bawk mahse vanneihna (opportunity) zawk a ni a ti.
   
Tun dinhmun a khawvel pum huap a refugee awm zawng zawng zat chu 15,000,000 an ni a chung zing a 70,000 te chauh ram thumna ah a thawn (resettle) tir thin an ni.  Tichuan, khawvel pum huap a refugee ram thumna a an thawn pa 6 zing a pa 1 (1/6) zel hi Malaysia ram atang an thawnn chhuah a ni a. Khawvel pum huapah Malaysia aia refugee ram thumna a thawn tam an awm lo. Malaysia atang UNHCR in mi an thawn chhuah dan chu a mihring tam lam percentage atang tehin an thawn chhuak thin a. Malaysia UNHCR hnuaiah hian Srilanka, Afghanistan, Nigeria, Myanmar etc. mi tam tak kan awm a. Entir nan Malaysia Myanmar refugee za a sawm riat (80/100) kan nih chuan resettle turin 80% hma min lak sak ang. Tichuan, Nigeria te hi Malaysia refugee awm zingah 40% an tlin chuan 40% resettlement turin UNHCR in hma an lak sak dawn a ni (A figure te hi entirna mai chauh a ni).

KOHHRAN/FELLOWSHIP

Editorial

Tum khat chu Myanmar rama zirtirtu lar tak leh thalaite tana fuihna lam lehkhabu tha tak tak ziak thin U Phone (Che) thusawi MP3 in f/b ah ka hmu hlauh mai a a thuziakte hi chhiar nuam ka tih thin em avangin ka download a ka ngai thla nghal. Nu leh pa te hmangaihna chungchang a sawinaah chuan theihai velsaktu nu chungah  kan lawm em ema theihai leisaktu/ a kung phuntu pa erawh kan hrechang thin tawh lo a, tin, nihliap khumtirtu nu chungah kan lawma in chungkhuh nuam takah ruahtui far lova awm thei tura ngaihtuahsaktu pa erawh  kan theihnghilh leh si... a ti. Tin, a sawi zelnaah faten pa te hmangaihna chang an hriat loh chuan nu te mawh a ni a ti. Nuten an fate hnena hrilhfiah chu an hna a ni a ti.

Chumi ka ngaihthlak atang chuan Kohhran/Fellowship chungchang ka ngaihtuahnaah a lo lut nghal a. Fellowship pakhat a lo dinga chu Fellowship chu tha taka a kal theih nan hruaitute, rawngbawltu leh thawktute an awm a ngai ta a ni. Kohhran/ Fellowship hi pa angin ka hmu ve tlat a. Inngaihdan ni ve tak maw! Buaina leh harsatna kan tawka hruaitute leh Pastor te, thawktute tanpuinain harsatnate chu a lo veng ta a, an chungah kan lawm hle a ni. Tlawmngai taka min puitute chunga kan lawm angin   chutia tanpui thei tura boruak siaksaktu Kohhran/ Fellowship chungah pawh lawmna chang kan hre tur a ni. Ana chang kan hriat loh thin avangin  Kohhran/ Fellowship hi kan ngai-na lova ngaih pawimawhna chang pawh kan hre lo thin. A nih engtia lawm tur nge kan nih. Thil dang tihchiam a ngai lo,  rinawm taka Pathian biakhonaa tel thin te,  Kohhran/ Fellowship thanlenna ngaihtuaha tun ai nasaa rawng a bawl theihna tura theih tawp chhuah te chu kan tih tur a ni.

Chutiang zelin MRO hmalakna avanga UNHCR Card dawng ve thei a buaina chi hrang hrang lakah pawh him thin, MRO thlazar hnuaiah thlamuang taka awm thin te khan MCF leh MRO chu a tlin lohna tete zawngin  an hnungchhawn ta! MCF leh MRO chu a hrang nalha kal hran tir tumin an bei. A va pawi tak em! (Vol.10// Issue 105     July 2014)

Hriattur pawimawhte

Fimkhur tur: Hospital Kuala Lumpur (HKL) damdawi in a kan kalin Registeration  hmuna kan va in register hunah Immigration Office-ah va in report tura min lo ti a nih chuan va kal miah loh tur a ni. Community dang a mite man an lo tawk tawha chuvangin chutia min lo ti a nih chuan damdawi in dangah va kal mai kha a tha ber a ni.

Kawng lai a zial zuk: Kawng laia zial zuk te, gang member ang maia thuamhnaw mak tak taka inbel bakah chain(thirhrui) eng eng emaw mahni taksa a inbel tektuk te hi Police-ten an ngaimawh hle a, mana pawisa chawitir theih a ni bawk.

Malaysia sawrkar phal loh thil: Malaysia sawrkar dan kalh zawng emaw, ruihtheih thil (drug) khawih avanga harsatna kan tawk a nih chuan buaipui kan ni lovang. Mi ramah kan awm a an ram dante, a ram mite tan hnawksak khawpa thil thalo tih te hi i tum lo hram ang u. An ram chhungah min awm tir ve ngawt pawh hi lawm hliah hliah tur kan ni.

Chhiatni fee leh member fee:  Chhungkuaa nu emaw, pa inemaw chhiatni fee an pek chuan chhungkaw aiawha pawm a ni. (Unau piang tlangte pawn a hrana pek tawh tur a ni.) Member fee chu nau piang hlim atanga pek vek tur a ni.

Branch tina memberte hriat tur: Tumbuk branch, Johor branch, Cameron branch a memberten mahni branch ah member fee thun tawh tur a ni.  Chhiatni fee erawh Malaysia MCF, KL a thun tur a ni.

Nau thar: June 22, 2014 sunday zan khan Malaysia MCF Financial secretary Pu K. Vanlalnghaka leh Pi Lalnunthangi ten fapa duhawm tak Immanuel Lalchhanhima chu Ampang hospital-ah  an nei a, kan lawmpui tak zet a ni. Pathianin an nufa-in damna chakna pe zel rawh se.

Tumbuk Day: July 13, 2014 Sunday khian Tumbuk branch chuan  Tumbuk Day chu inkhawmna leh ruai ropui tak buatsaiha hman a tum a ni. Malaysia MCF member zawng zawng min sawma, kal theih theuh pawh kan tum dawn nia. Tin, football inkhelhna a awm dawna lo in practise sa pawh a sual lo viau ang. Chiang zawkin kan rawn tarlang leh dawn nia.

Website: He tah hian thu tha tak tak kan rawn post thina i rawn lenglut ve thin dawn nia. zokawtchhuahpalai.blogspot.com

MCYF: June 29 Sunday zinga Nl. Khawlliani accident a tawh chungchangah nilai zan khan MCYF-ten a thla vang hauhvin an han kan a, Tin, Pi Roruati damlo pawh an kan nghal a ni.

MCWF: June 9, 2014 khan Klang a awm Pu Malsawmthanga leh Pi Lalbuatsaihi ten Klang damdawi in-ah fanu phir duhawm tak tak  an nei a, kan lawmpui tak zet a ni. MCWF ten MCWF palai Pu Hmingthanga hovin an han kan a, Klang a awm kan member Nl. Gol-tei pawh kan nghal a ni.

Damlo: Pu Lalhmingthanga, Sungai buluh damdawi in-a awm mek chu Malaysia MCF president pahnih leh secretary ten an han kan. MCWF te pawn an kan bawk a ni.

Pastor Myanmar-ah: Kan Pastor Rev. Lwan Maung chu a passport chungchang leh thil tihtur pawimawh a neih avangin a han hawng lawk a, a rang lam a rawn kirleh vat thei turin hma a la mek a ni.

MALAYSIA MCF/ MRO MEMBER CHIANNA

 Editorial 

  
Fellowship hetia a kal hran takah leh sumpai inremsiamna neih a nih takah chuan mahni member hriatchian a ngai ta a. Eng emaw palh kan tawhin in tanpui vek tur chu kan ni miau mai mahse thil tha kan ti emaw kan tih laiin  midang ram ri kan va nawr hi a lo ni reng thei bawk. Chuvangin kan member a ni tih chiang taka kan hriat theih nan Chhiatni fee leh member fee pek-na bu/ Record-bu enin hruaituten uluk tak leh fimkhur takin an thliar hrang mek a an zo thawkhat  tawh a ni.

Pathian zarah member kan thahnem a, athen kan inhriat chian laiin athen hriat loh palh a awm theih a, mahni ngei pawn in-report thei hial ila a tha hle ang.          

  
Member nih chianna chu Chhiatni fee leh member fee pek-ah hian a ni ber a, chu mai bakah inkhawm thin te, Malaysia MCF thiltihnaa tel thin te, sawma pakhat pek te chu member nih chianna pakhat a ni. Sunday kan “Off” thei lo a nih pawhin Malaysia MCF member kan nih chianzia thil pakhat khat a tihlan te hi a pawimawh em em a ni. Bak ang maia mi ten he pa/nu hi khawi lama lawi nge a nih ti turin awm loh a tha. Hmelma hi an hlauhawm lova mahse thian anga lang, leh lama awr sen leh lama awr dum-ho hi an hlauh awm hle a an lakah tawng fimkhur a tha bawk. Tin, thu dik tak hriat tumin kan thu tluk nanaah awm tawp hi a him ber.  Chutilo chuan  mi rinhlelh  kaiin kan awm reng palh ang e.    
  
Branch leh Cell group te kan kual tawh a ni a,  June 15, 2014 sunday khan Combined Meeting thut a ni. Tumbuk branch, Johor branch leh Cameron highland branch atang ten palai an rawn kal  thei a kan thawhho zel dan tur leh Malaysia MCF tana thu pawimawh tak tak te rel a ni.
 
Kan member Lung in tangte pawh Pastor hova kan kual mek a ni a Thailand ram ri thlenga va kala member tang te va kan tum a ni.(Palai,  June 22, 2014)

Police Cheng Pek Chungchang leh Insurance

                                                                                                 Pu Josiah, Coordinator

   Malaysia ah hian in man boruak a awm deuh reng a. In man boruak hi reh lam aiin a la awm reng hmel hle a ni. Police ten an man che a tihluihna (by force) a pawisa an chawitir che chuan Malaysia Anti-corruption Commission (MACC) hnenah thu thlengin a report theih a. Police te hi thiamloh chantir an nih chuan action lak a dan ang a hrem theih an ni.
     Tihluihna avang a police hnen a cheng I pek chung chang MACC hnenah I report dawn chuan heng a hnuai a point te te chhinchhiah la tichuan  mumal takin hma an la thei ang.
1. Eng tik ni (date) ah nge police in an man che (a dar zat thleng I hriat theih chuan a tha).
2. Khawi hmunah nge an man che?
3. Police hming, batch number, motor number, motor bike number emaw pakhat khat hriat ngei tum la.
4. Police in eng vangin nge cheng an dil che? Entir nan, intlanchhuah nan a ni em?
5. Cheng eng zat nge an dil che a eng zat nge I pek?
6. Lo hmutu emaw hriatpuitu (witness) emaw pakhat khat I neih theih chuan a tha bawk.
  Heng a chung a point hrang hrang te hi I chhinchhiah a I hriat theih chuan MACC hmalakna atan a tangkai thei hle dawn a ni. Report petu te hi him tak a an awm theih nan an chanchin thup sak (confidential) an ni dawn a. Amaherawh chu, kei mah ni zawk in kan report thu kan puan zar chuan min veng him thei dawn lo a ni. Tawng kain emaw, face book, twitter, you tube etc. ah te post loh tur tihna a nih chu.
   Hriat atan tha chu Malaysia ram danah  police a duty lain a pocket ah RM. 50 ai tam a pai tur a ni lo tih hi a ni a. Duty lai police in a ip te (pocket) a RM. 50 ai tam a kawl  chuan thu zawh fiah theih reng a ni. Police in emaw immigration in emaw an check dawn reng reng chein an card hmuh (show) hmasa phawt turin a sawi theih a chu chu kan right pawh a ni bawk.
Insurance chung chang
   UNHCR hma lakna in Remedi insurance lei theih a ni dawn a. He mi program hnuaiah hian insurance kawng chi hnih a awm a. Chung insurance chi hnih te chu:
1. Group Hospitalization Scheme (GHS): Group Hospitalization Scheme (GHS)  ah hian mi pakhat tan kum khat chhung RM. 120 pek tur a ni dawn a, chhungkua (family) member pa 5 tan RM. 140. Chhungkua member pa 5 in a huam chin chu nu leh pa, kum 18 hnuai lam fate 3 an ni. Tichuan, hmethai/parawl (single parent) chhungkua in a huam theih chu nu emaw, pa emaw leh kum 18 hnuai fate pa 3 an vaiin member pa 4 an ni dawn tihna a nih chu. Chhungkua member pa 5 ai tam tan pakhat  zelah RM. 20 chawi tur a ni. Kum 18  tling faten mahni tan a hran a lei a ngai a. Kum khat hi calendar kum (calendar year) a chhiar tur a ni.
  He insurance lei hi lei ni atang ni 60 hnuah chauh hman tan theih a ni dawn a mahse accident chung changah erawh chuan chawpchilh taka hman nghal theih ani. Chhiat tawh chung changah family pa 5 chin in a sum dawn theih zat chu RM. 10,000 a ni a, hei hi an chhungkua pa 5 tan bithliah zat a ni a, a ai tam a sen theih tawh loh. Tichuan, chhungkua pa 5 ai tam chhiat tawh palh a sum dawn theih zat chu RM. 12,000 a ni anga a ai tam hman theih a ni tawh lo ang.
2. Group Perosnal Accident Insurance (PA): He insurance hi Group Hosptialization Scheme (GHS) lei tawh hnuah chauh lei theih a ni. Kum khat chhung tan mi pakhat  zel in RM. 11.50 a chawi belh ang. PA lei tu in accident a tawh palhin a ban emaw, ke emaw a hloh palh a nih chuan sum tam zawk an dawn theih phah dawn a. Tichuan, PA insurance hnuai a mi a lo thih emaw dam chhung piangsual emaw a nih palhin RM. 23,000 a dawng anga, thlanmual manah RM. 2,000 leh medical senso atan RM. 2,000 a dawng thei ang.

Insurance reng reng hi UNHCR leh Assylum-seeker card nei tawh ten an lei thei anga sawrkar damdawi inah chauh pawm a ni. Damdawi inah I UNHCR card an check atang insurance I lei tih an hre thei mai dawn a. Insurance I lei chuan hospital a I in admit hunah pawh pawisa deposit a ngai tawh lo ang.  Insurance hian damloh vang a damdawi in a mu te chauh a huam dawn a damdawi in a admit ve lo (out-patient) a huam tel ve lo. He insurance hi July 1, 2014 a hman tan theih tur a bei sei a ni a lei tawh tawh chuan mi in insurance sum hmang tangkai lo mahse pawisa lak kir (refund) a ni tawh lo ang. (Palai June 22, 2014)

 KEIMAHNI  
 Fimkhur tur: Hospital Kuala Lumpur (HKL) damdawi in a kan kalin Registeration  hmuna kan va in register hunah Immigration Office-ah va in report tura min lo ti a nih chuan va kal miah loh tur a ni. Community dang a mite man an lo tawk tawha chuvangin chutia min lo ti a nih chuan damdawi in dangah va kal mai kha a tha ber a ni.

Chhiatni fee leh member fee:  Chhungkuaa nu emaw, pa inemaw chhiatni fee an pek chuan chhungkaw aiawha pawm a ni. (Unau piang tlangte pawn a hrana pek tawh tur a ni.) Member fee chu nau piang hlim atanga pek vek tur a ni.

Branch tina memberte hriat tur: Tumbuk branch, Johor branch, Cameron branch a memberten mahni branch ah member fee thun tawh tur a ni. Chhiatni fee erawh Malaysia MCF, KL a thun tur a ni.

Nausen Baptisma: Pu Lalnunthara leh Pi Zai Than Thuami te fanu Susanah Vanlal Nun Sangi (20.05.2014) chu Rev. Lwan Maunga’n sunday khan a baptisma a ni.
Inkutsuih: Tv. Zosangzuala leh Nl. Lalrinpuii te chu June 15, 2014 sunday khan Kristian dan thianghlim hmangin  Rev. Lwan Maunga’n a kutsuih.

Website: He tah hian thu tha tak tak kan rawn post thina i rawn lenglut ve thin dawn nia. zokawtchhuahpalai.blogspot.com





 

DEPRESSION

                                             Ramchhanthanga

   Mizo te zingah, a bik takin thalaite-ah depression hi a hluar ta em em mai a, kum naupang tak tak te mahni nunna laa thlan thim lam an liam ta nguah nguah mai te hian he natna (depression) hlauhawm tak hi en lian mai mai chi a ni lo tih a tichiang awm e.
Engnge ni Depression chu?
Depression chu mood off leh nguai reng hi a ni deuh ber mai. Chutia an ngui reng avang chuan an rilru mai ni lo an taksa leh an land an thlengin a lo tuar phah thin a ni. Mood disorder-ah hian chi 3 a awm a, chungte chu:
1.    Unipolar     : Mood off ngun tak.
2.    Bipolar    : A change Mood off , a change active tak
3.     Dysthymia    :  Mood off reng mahse nasa em em lo
Depression awm theihna chhan:
1.    Mal viau-a inhriat vang te.
2.    Vua leh vang neih tawk lo-a inhriat avang te.
3.    Chhung te leh hmangaihten an thihsan a vang te.
4.    Ngaihzawng emaw, nupa kar thu buai vang te.
5.    Sum dinhmun lama harsatna awm vang te.
6.    Natna benvawn vei vang te, eg: Cancer, Heart disease etc.
SYMPTOMS:
1.    Mahni leh mahni ingaih hlut lohna.
2.    Phur lohna.
3.    Chaw ei tui emaw ei tam thut.
4.    Zan lama thil ei kal thut.
5.    Insomnia: mut theih loh, a bik takin zing thawh hma.
6.    Hypersomnia: mut chhuak reng.
7.    Thinrim, thinchhia.
8.    Taksa rit thum, chau, taksa na thum.
9.    Mahni leh mahni indem reng, indah pawimawh loh.
10.    Zu in hnem, buaina siam.
11.    Chhan hriat loha tha na, lu na leh pum na.
12.    Mahni intih nat duhna rilru put.
13.    Thih chak riauna rilru put.
14.    Lungngaih em emna atanga hlim thut.
15.    Mahni nun hial lak duhna rilru put.
Heng kan tar lan tak symptom  nei kan lo awm hlauh a nih chuan PSYCHIATRIST pan hi a finthlakin nun chhan nan a pawimawh hle. Depression hi manage theih a ni a, thalai-ah phei chuan treatment hi a effective em em  a, a chunga kan symptom tarlan no. 12 atanga 15 thleng nei tan phei chuan a rang lama tanpuina koh hi a pawimawh takzet zet a ni.(Palai June 22, 2014)

Missionary chawm nan thla tin Rm. 50 tiamte

1. Pu Ngursaithuama
2. Nl. Suzy
3. Tv. C. Thara
4. Pu Lalrinsanga
5. Pu C. Lalengmawia
6. Rev. Lwan Maung
7. Pu Edenthara
8. Pi Lalpari
9. Pi Zopari
10. Pi Sikul Dinthangi
11. Nl. L.C Sangi
12. Pu Lalramthlenga
13. Nl. Darthangpuii
14. Pu Ramchhanthanga
15. Pi Lalengzami
16. Nl. Lalchhanhimi
17. Pu Lalchhuanmawia
18. Nl. Lalbuatsaihi
19. Pu James K.Malsawma
20. Tv. K. Lalbiakthanga
21. Tv. Lalhunnghaka
22. Tv. Vanlalfaka
23. Nl. Lalhlimzuali
24. Pu V. Laltlankima
25. Tv. Jedidia
26. Pi Laldingngheti
27. Tv. Lalpekzela
28. Tv. Lalnunfela
29. Pu Zoremsiama
30. Pu Tluangtinsawna
31. Pi Lalenpari
32. Pu Chanchinthahrilmawia
33. Pu RD Puia
34. Pu Kawlngheta
35. Pi Tharveti
36. Pu Vanlalthianghlima
37. Nl. Sapneli
38. Pi Lalneihpari
39.  Mama
40. Tv. Lalchhuangpuia
41. Pu. H. Biakliana
42. Pu K. Vanlalnghaka
43. Nl. Elizabeth Siamtei
44. Tv. Lalkulhpuia
45. Tv. Lalrinliana

Zo Kawtchhuah Piancham Program Hmang

ZKC tia kan koh mai thin Zo Kawtchhuah pawh kum 9 a lo ni ve reng tawh a, kum 9 chhungin harsatna chi hrang hrang a paltlang ve ngei ang le! ZKC June 12 sunday hnaih ber June 8, 2014 sunday Malaysia MCF inkhawm-ah ZKC piancham program hman a ni a, he mi ni denchhana thu inziaksiak lawmman la te lawmman sem a ni. Lawmman pakhatna “Taimakna” by Pu  J.Lalengkima, lawmman pahnihna “Hmathlir tihzauh” by Tv. Lalnunpuia, lawmman pathumna “I hun i hmang tha em?” by Pu  Josiah ten lawmman  an dawng. Literature sub committee chairman Pu Joseph Saia’n lawmman hlan na a nei. RM. 300, RM.200, RM.100 theuh hlan an ni.
   Lawmman pakhatna thuziak “Taimakna” tih chu lawmman dawngtuin chhiar chhuahna  a nei. Literature sub committee secretary Pu Edenthara Varte -an ZKC chanchin a sawi. Mipui “Aw” tih program zep tel  a ni a, mipui lam atang ZKC leh Palai chanchinbu an hmuh dan leh an ngaih dan te an sawi, tin, rawtna tha tak tak te pawh an rawn neia inkhawmten ngaihthlak man hla an ti hle. Kan chanchinbute hi chhuah chhunzawm a tan tha kan la tizel em tih zawhna chu sawiho a ni a, kan tangkaipui hle a chhuah chhunzawm zel tha kan titlang. Inkhawm mi-154 kan ni.

Johor Bahru-ah Bial fang

   Malaysia MCF EC rorel angin June 7, 2014 tlai khan Johor Bahru a Kristaa kan unaute chu han kan turin Pastor Lwan Mg leh President Pu Ngursaithuama, Pu Zoremsiama, Zaithiam Nl ZT Sangi te nen kan kal a, Johor Bahru MCF President Tangka Puia leh Pu Vulmawia ten min lo hmuak, Pu Kima inah min hruai lut nghal a, kan han inhmu chu kan hlim tlang em em mai a ni. Zanriah tuihnai tak min lo buatsaih sak a, puar el-awl a kan ei hnu chuan Johor Bahru MCF EC memberte nen zan lamah inkawmhona kan nei a, in hmaizahna leh thu zep awm miah lovin kan inkawm. Pu Ngursaithuama'n min hruai a, zawhna leh chhanna hun kan hmang a zing dar 1:45 ah kan bang thei tawk a ni.
       June 8, 2014 zing tuk ni eng mawi takah Pu Kima leh a chhungte nen chawhlui kan kil hova, inkhawm turin kan in buatsaih leh a, kan Pastor chu bial a lo zu fang deih mai a, ei leh in aiin Pathian thu a lo ngai pawimawh zawk a, tlai deuh maiah a rawn haw a, a ei kham hnuah Johor Bahru MCF biak in kan pan nghal a, chhun dar 2:00 atangin Pathian biak inkhawmna chu kan hmang tan. Inkhawm hruaitu Tangka Puia a ni a, Naupangte hun kan hmang a, Nau lawmna  hun kan hmang bawk, Sacrament kil hona leh Pastor hnen atanga Pathian thuchah ngaihthlakna kan nei leh a, Nl. ZT Sangi hnen atangin Pathian fakna hla kan ngaithla leh a, kan hlim tlang hle a ni. Johor Bahru MCF buatsaih chawhlui chu inkhawm zawng zawngte nen kan kil hova, tlai leh puarin kan awm a ni ber a ni.
     Kan lawm em em mai chu Johor Bahru MCF unaute hi inkhawm an ngaih hlutna leh an ngaihpawimawhna hi a ni a, an hruaitute chuan memberte inkhawm an kal kim loh hlauin sum sengin an in phone kual a, tan an la em em mai kan hmuh hian entawn tlak tak an ni. Johor Bahru MCF hruaitute hi Pathianah thahnem an ngai a, hma pawh an sawn hle a ni. Kan haw hun chu a lo thleng leh der mai a, an hruaitu ten bus stand thlengin min thlah a, inhmuh leh chak ngawih ngawihin kan in mangtha ta a ni. (Reported by Pu Zoremsiama)

BB Cell group Inkhawm

Bukit Bantang Cell group Inkhawm:  Bukit Bintang cell group inkhawm chu tih dan pangngai angin Nilai zan dar 9:00-ah inkhawmna  hman thin a ni  a. Dt. 11/06/2014 nilai zan atang khan Pastor quarters zau tha takah inkhawmna sawn a ni.  Mi-54 an inkhawm thei a  inkhawm a nuamin thlaurau thianghlim chen chilhna an chang a an hlim hle a ni.  Tv. C. Thara a sermon a Malaysia MCF Evan tia an lo koh thin chu a phu tak meuh mai. A ni hi Pudu cell group atangin min rawn inkhawmpui tang tang thin a, Pudu cell group aiawh pawh kan ti thei awm e. A khat liam bawka a  sermon a nung hle a ni.
    Lung in tang tan te, damlo tan te, Ramthumna kal chhuakte tan, harsatna tawkte tan, UN lamah kan thlen chin theuhah hma kan sawn theuh theih nan te leh thupui chi hrang hrang hmangin tawngtai rualna an nei. Lung in tang mi-20 kan nei a, an vaiin kan chhawm vek mai a ni. 

  

Office Devotion   Office Devotion chu Nilaithawhtan zing dar 10:00 ah hman thin a ni a, eng engemaw avangin thla hnih dawn lai chu kan hmang thei tawh lo kha a ni. Mahse Pathianin hma min hruaia kawng min hawnsak leh avangin dt.12.06.2014  nilaithawhtan zing atangin Devotion  hman tan leh a ni.
  Kan tui tlang hle a ni ang dar kar khat zet hunserh kan hmang a, Pathian remruatna makzia leh a thil tum makzia kan nunah a lang zel a, mak tiin a hming kan fak a ni. tawngtai rualna kan nei bawk.

 HRIAT TUR

    Pathian zarah Malaysia MCF hian Office te, Pastor Quarters te kan nei leh tawh a, mahse a hming hi kan sawi sual fo thin. Quarters kan tivek mai a, tum khat pawh Pa pakhatin a thianpa chu khawiah nge i awm a tia, Quarters ah tiin pakhatin a chhang a, a nih ka rawn kal dawn nia a ti a.  Pakhat-in Office ah a nghak a, pakhat chuan Quarters lam panin a lo nghak ve a. An in hmu lo rei khawp mai. An Quarters tih kha in ang tlat lo a. Tihsual palh a awr (awl) ve reng a ni. Pastor Quarters/ Office dik chat chata  sawi theih  kan tum theuh dawn nia.

Pastor Quarters Address: Hicks Flat, No.62, 3B,
                                    Jalan Changkat, Bukit Bintang,
                                    50200, KL Malaysia  (KK (or) 7/11 bul)

Office Address:          No.90-B, 1st floor,
                               Jalan Alor, 50200,
                               Kuala Lumpur, Malaysia

 Thutthleng 130 Lei: Member ten Malaysia MCF tan thilpek an rawn pe zela mamawh tam tak lei a ni tawh a. Mamawh tam tak kan la nei a ni. Chair 130 chah chu nilai tlai khan a rawn thleng a, pakhat hi RM.26 man a ni a, mi tam takin rin ngamna in pek an intiam a ni. Chair man petu/ tiamtute: (1) Tv C Thara  Chair 4, (2) Laldingngheti Chair 2, (3) Pu Lalramtiama (Rampuia)USA  Chair 10, (4) Pu Vanlalsawma  Australia  Chair 10  (5) Nl. Khawlliana Chair 2 te an ni.

ROSE AI AH HMEICHHIA KAN TIH FO HI

    Joney Lalhmingmuana

    Rose tih thumal lam rik tawh chuan khua hmungailo mitdel te pawn a rimtuizia leh a changhriam chhun natzia chu a hai bik lo. Chung mite aia kan vanneih lehna chu a mawina dik tak mitthla thei tura kan hmuh theihna hi ani.. William Shakespeare meuh pawn “ par tin te pawhin mawi leh rimtui an tih tur rose par lo eng e awm chuang ang le” tiin a lo au chhuahpui ve tawh thin kha. Rose za hrang chuang awm te hian lal- na ram hran leh nihna hran theuh an nei a, a thenin kawppui kan thlan niah min tawiawm a, a thenin rimtuina in min hual a, a thenin damna dawi min pe a, hmun tam zawkah te chuan kan riltam hlauin kan pum a hraipuar thin a nih hi…. Mawina an pian ken chu an lal lukhum a nia thu an neihzia a entir a ni. Rose chi hrang hrangte mawina lal tiang chuan zahawmna leh thiltihtheihna a tar langa par dang mawina sawm ngai loa induh leh zakzum thei tak an ni. Rose par te hi nisen anga sa thinrimna hnuai a par an chhuakna phena an mawina  a thilhtih theihzia chu hringmit bang a bo lo hle.
   Hriak rim tui tak te pawhin an tluk ngailoh tur, rimtuina ram nei zau ber chu Rose te hi an ni. Rose chi hrang hrangte hian mahni rim duhtawk ngailo hring fate tan chhia leh tha hriatna pawhin a chhun keh zawh loh khawp tur rim tui tak min chhawma, an rim tuina chu kan zahawmna a nia kan chhungril bawlhhlawh leh rimchhia tak khuh botu an lo ni. Nawmna chen zo lal hrawt khawkheng te pawn rose, Egypt lal nu Cleopetra(i), mawina leh duhawmna phena pawisawilo ram leh chhungkua then hrang thiam thisen chhuah- tu nunrawng hling zum tak chu a parmawina in a hliahkhuh avangin an hmuh hmaih fo thin ang deuh hian rose te pawh hian dim dawi an ngaihzia leh  an laka fimkhur a tulzia fiah duh tute hmaah an zam ngai lo hle. An parmawina leh rimtuina tlantuten an tih lungawiloh hun a piang a thisen chhuah chakna chhapah a chhunna bial val kulha a tur fantir thin an ni.
    An hlut lai tak leh tangkai lai tak chuan ro hlu ber ang maiin chungnung takin kan vawng thina an pawimawihna a lo chuai tak avanga bawlhhlawh- bawma kan khung liam mai hi an phu ve reng vang em ni le……? Oooo rose..Ooooo rose hei hi lo hre rawh, “I mawina chuan mite mittlung tawh lo mah se, I rimtuina erawh chuan chhungril mai nilo mut theih loh suangtuahna thleng a hawlh tlang thin vang a ni… Hnawl I nih dawn pawh a hnar leh hmui hma- ah lalna I chan leh thin ni… Thinlai damlo te pawh I mawina chuan a hnem dai thiama van ruah ang a mittui sur te pawh I rim tuina chuan a chhawk zang khai thin a nih hi….” Mahse; I par mawina phen a changhriam tak, mi te chhun thi thei khawp tura zum, kha ngaihthah tir ngai suh!. Parmawina chu hlauh tawh mahla rimtui tak I neih chhung chuan midang tamtak nangmah vawng chak em em tu an awm a ni. Eng mah loah in ngai ngai suh la eng emaw aia hlu I nihzia kha lanchhuahtir tum zawk ang che. I lo duan lawk sa mumang ramah chuan cheng thei lo mah la khawvarin a nghak reng che tih theihnghilh ngai suh!.
(Joney Lalhmingmuana article rawn ziah te hi a ril thei viah viah  khawp mai. Shakespeare Junior kan ti mai dawn em ni ang le!!Ed)

Father's Day

       Ka fapa, I pa thupek chu zawm la,
       I nu zirtirna chu hawisan suh.(Thufingte 6:20)
     Anna Jarvis-i theih tawp chhuahna avangin  kum 1909 khan USA ah Mother’s Day chu hlawhtling taka hman a lo nih hnuin Father’s Day hman ve tha titu an awm nual a. Sonora Smart Dodd-i hma laknain Spokane, Washington YMCA, USA-ah June 19, 1910 khan Father’s Day chu hman tan a lo ni.
  Sonora-i hian Jarvis-i Mother’s Day sermon a ngaihthlak hnu khan an pastor hnenah Pate chawimawina ni hman ve a that tur thu a sawi a, June 5 a pa birthday ni chu Pate ni tan a rawt nghal bawk a, mahse an pastor-in Pate ni tan sermon a buatsaih hman loh avangin June thla  chawlhkar thumnaah chauh an hmang tan thei ta a ni. Sonora-i hi Arkansas a piang a ni a, a pa hi sipai bang William Jackson Smart a ni. Nu an nei tawh lo a an unau ruk chu a pa chuan thei tawp chhuahin a enkawl a ni.
   Kum 1916 khan President Woodrow Wilson chu Father’s Day a thusawi turin Spokane ah a kal a official a pawm ngheh mai pawh a duh mahse  Congress ah harsatna a awm deuh hleka a hlawhtling rih ta lo a ni. Sonora-i hian kum 1930 ah he ni hi ram puma hman atan campaign-na a nei a. Congress-ah pawh ngaihtuah a ni leh nghe nghe. Tichuan hun a lo kal zela 1972 kum a lo thlen meuh chuan  President Richard Nixona’n USA a holiday pakhat a tan an dan buah hming a sing ta a ni. America ramah vawiin ni thleng hian urhsun takin an hmang zel a. Khawvel hmun hrang hranga mite pawhin he ni hi Pate chawimawhna ni atan an lo hmang ve a ni. (June 15, 2014 Palai)

Zofate Kawtchhuah

    Edenthara Varte

   Pathian khawngaihna leh kaihhruaina a zarah Zo Kawtchhuah kum 9 hmel kan lo hmu ve leh ta reng mai le, kan Pathian hming chu fakin awm mawlh rawh se!
   Tuna hma kan pi pute nun leh kan tunlai nun kan khaikhin chuan Zofate KAWTChHUAH hi a danglam tawh hle a. Kan duh vang reng pawh ni lovin khawvel hmasawnnain a ken tel a ni miau a, kan hun tawn a zira kan kawtchhuah zauh leh tihdanglam te pawh a tul chhan a lo awm fo thin. Kawtchhuah han tih hian in lama mahni khaw khawtchhuah kha rilruah a lang lo thei lova, "Wellcome to Kawlkulh emaw Pyin Draw Oo zua hmah chu-su-ba ih " tih te kha han ngaihtuah vang vang phei chuan tah loh mittui tlak ni lovin ngaih loh mittui tlak an tih ang chi hian kan awm mai dawn a lawm.
  Tunlaiah thalaite tual chaina kawtchhuah ni ta ber chu Internet ( fb ) hi ti ila a sual tampui awm lo ve. A hranpa taka in sawm leh koh khawm pawh ngai lo hian kan kim thlap thlap thei reng thei phian.  Hmana Sap-pa ta bika kan ngaih kha tunah chuan password han chhulut keuh ila Zo-pa ta pawh a lo ni ve ta reng mai. A kawtchhuah lah chu a han zau mai mai khawpa kan duh duhna hmunah kan leng kual vela, kan duh duh kan ena, thenkhatte phei chuan nula an rim tleivar zeeeek male.  Khawvel hmasawnna hian keini Zofate pawh hi min hai bik hauh lo va, kawng engkimah hma kan sawnin kan changkang tawh hle. Heng zawng zawng hi Chanchin Tha vang a ni kan ti lo thei lo. Zofate nunah chuan Chanchin tha hian Kawtchhuah min zauh sak nasa hle a, amah erawh chu hmasawn leh changkan tum luata Chanchin Tha hi kan hlamchhiah a nih vaih chuan khua reiah kan Kawtchhuahah hian hnim hling nei a to khat bup ang a tu mah an lut chhuak peih lo mai ang. Chuvang chuan Chanchin Tha hi i vuan tlat ang u, Chanchin Tha hian malsawmna leh anchhia a keng tel tih hi kan hriat reng a tha. Mizo kan ni a kan awmna hmun, kalna hmun apiang hi Zo Kawtchhuah chu a ni mai. I in tih lak changkan avang khan Sap, kawl, vai kawtchhuah a ni dawn chuang lo va i nihna tak chu i chetziaah ni lovin i thisenah a ni zawk. Chuvang chuan kan Zo Kawtchhuah hi a lo zau deuh deuh a, a lo mawi zual deuh deuh theih nan kan awmna hmun theuh ah Chanchin Tha hi i vuan tlat ang u. (June 8, 2014 Palai)

Tawng Boral Hi Engnge A Pawina?

Lalchhanhima Himtea

   Tawng a boral hian a hmangtute ngaihtuahna leh ngaihtuah dan ropui tak tak khawvel hian a chan a ni. Hringnun an hrilhfiah dan, van lam leh leilung leh a chhunga thil awm zawng zawng an hrilhfiah dan, thlarau khawvel an hrilhfiah dan…adt (ngaihtuahna leh chhutna) hlu tak chu khawvel hian a chan thin.
    Khawvel hnam tin hian hnam dang laka danglam bikna (identity) an nei theuh a, chutiang nei pha lo chu hnama chhiar tlak an ni lo. Chu danglam bikna zinga pawimawh ber pakhat chu tawng hi a ni. Tawng ber a boral chuan nunphung leh ziarang (culture) ke a bai a, ding zo lovin a tlu mai thin. Nunphung leh ziarang danglam leh mawi dangdai tak mai chu khawvelin a chan thin a ni.
    Tawng a boral chuan a hmangtute hnam zawi zawiin a bo mai thin. Tawng leh hnam hi a inzawm tlat a, mahni tawng thiam lote chuan chu an tawngin a zawm ngheh tlat an hnam rilru leh ngaihtuahna ang chu an pawh thei tak tak lo. Khua a rei deuh phei chuan an hman mi tawng neitute hnam angah inngai hlenin an awm mai thin. Chu chu hnam tukverh atanga thlir chuan bona thuk tak leh pawi tak a ni.
     A pang lehlam atanga thlir chuan t.awng a boral hian mihringte hi kan inpawh tawn tual tualin kan infin nasa tual tual a ni tih ngaihtuahna a awm ve thei thung! Inpawh tual tual leh infin tual tual chung sia tawng boral lo tura tan lak dan thiam a pawimawh hle dawn ni berin a lang.

Tawng hi mihringin a ngaihtuahna a puanchhuahna hmanrua a ni. Amaha awm a ngaihtuahna chu tawng hmanga puang chhuakin midang nen inbiak pawh nan a hmang thin a ni.

(Tv. Lalchhanhima Himtea hi Malaysia a awm lai khan Literature sub committee  secretary a ni thin a, ZKC tan US a thlen hnuah pawh thu a rawn thawh thin a ni.  A pumrua phu lo zetin aw a nei tha an ti. ZKC Vol.8, Issue 86 Nov 2012 a article tawite a ziah hi kan chhiar leh atan kan rawn thur chhuak leh a ni e.Editor)

KEI KA DAIRY-BU VE CHU

Edenthara Varte

    Dairy-bu neih hi ziak leh chhiar lama tui ve lo tan chuan Motor neih ai pawin a har zawka,chhungkaw puitling tak din ai pawh a thil awl lo leh puitlin harsa a ni. Nu/pa chengvawng tak nih a ngai a zing thawh phat atanga zan mut dawn thlenga kan hun hmang zawng zawng kha record a ziah luh thlap tur a ni.kei ngei pawh hian ka lo nei ve tawh thina a thatna hrereng chung hian neih reng a har khawp mai. nitina ka hun hman dan pen tui nena lehkha-bu a ziah reng ai chuan nitin,darkar tina hun hman that hi pawimawh ta zawkin ka hria, hun hmang tha chuang si lova lo in ziah hnawk ve ziah hian awmzia a nei tam lova,lehkha-bua a pen tui reh leh mai thei nena ziah ai chuan thinlung pheka mahni thisen ngeia ziah hi pawimawh ta zawkin ka nunah chuan a lang.    

   Mitinte hian Dairy-bu kan nei theuh a,lehkhabu ah pen tui nen ziak kher lo mah i la i nitin hun hman( true history) hi i thisenin i thinlung phekah i ziah hnan reng a ni tih hria ang che. lehkhabu ah lo ziak tehreng pawh ni la pen tui nena ziah a nih avangin a reh leh thei a, a bu ngei pawh a bo thei a ni. Mahse reh ve thei lo leh bo ve thei lo chu i thinlung pheka i thisena i ziah kha ni. Dairy-bu hi tu leh fate in rochun tir chi a ni lova, an lo chhiar ve chuan an nui hak mai ang,mahse i thinsena i ziah erawh kha chu i duh emaw duh lo emaw i thisen chhuak an nih tlat avangin an rochun lo thei lo. Vawina i thiltih engkim mai hi i thisenin a thanhnan zela, chu i thisena bet tlat chu nakin hnu i nunah mai ni lovin i tu leh fa, i thisen zawmpuite nunah chhiar theihin a la awm dawn a ni. Chutah i fate nun i han thlir a nga i nulat/tlangval laia i chanchin(true history) i dairy ziah kha a hlawkna leh thatna, a chhiatna pawh nise lehkha-bu phekah ni lovin an nunah ngei a takin i la hmu ang!!!
     Tunlaiah a pui a pang, a te a lianin TV en kan peih em em mai a,Director leh changtute lah thiam,mahni nuna tawn ang mai hian kan lo feeling pui ve a,a chang chuan kan mittui te hial a lo far thin. Chu chuan kan film enah kan rilru pek zia a tilang chiang hle a. Kan nitin nun hun hman hi CCTV ah record thlapin en dawn ta i la,film star(actor/actress)te ngei pawh hian an en peihin ka ring hauh lo, a chhan chu a tak ai lem chan kan ngaina zawk tihna ni. Kan hun hman dan leh chetzia hi lehkhabu ah record lo mah ila,mite hian kan awm dan leh zetzia hi min lo thlir renga,kan hriat loh hlan hian kan nun hi an lo chhiar reng thin a lo ni. Kan awm mai mai emaw kan tih lai hian thlirtute mit leh beng,thinlungah kan nihphung hi zep rual lovin a lo in record renga,kan thatna leh chhiatna hi sawi tur an lo hre thei phian!!
     Khawvel mi ropui famchan ta te nun hi han thlir mah teh,an lei taksa chu boral tawh mahse an chanchin leh sulhnu erawh kan zira,kan sawi bang hlei thei lo chu nih hi. an damlai khan an thil tih that mite mit hmuh leh beng hriatna thinlungah an ziak a, vawin thleng hian a reh thei tawh lo. Hei tak hi ni kei DAIRY-BU ka tih chu. Nitina i chanchin(history) i ziah hi i thih hnu thlengin miten an chhiarin an la sawi zel dawn. Chutah a chhe zawngin nge a tha zawngin tih erawh vawina i hun hman danin a hril ang chu!!!
    Hringnun khawvela i lei taksa che dan hawiher vel lehkha-bu a ziah leh mite mit hmuh beng hriatna thinglunga ziah ai mah pawha la pawimawh leh zual chu i thlarau tana NUNNA BU a i hming ziah tel hi ni. Sam 19:2-" Chhun hian chhun hnenah thu a sawichhawng zela,zan hian zan hnenah hriatna a lanchhawn tir zel" a ti a. Chhun leh zana kan thil tih engkim mai hi zep rual lovin Pathian hmaah pholan vek a ni a. kohhran leh khawtlangah Secretary leh Journalist kum tam tak lo thawk tawhin kohhran leh khawtlang thiltih engkim record thlap thlap,thenawm khawvelte mit hmuhah pawh mi invawng fel tak,dairy-bu pawh nei thlap si hian kan hming tawi te erawh Nunna-bu ah khian ziah lan a ni ve lovang tih hlauhawm tak a ni.
     A tawp ber a tan,lehkha-bu ah i chanchin dairy-bu ah pen tui nen ziak lo mah la,mite mit hmuh leh beng hriatna thinlung phekah i thisen leh chetziain i dairy hi i ziak reng a ni tih theihngilh suh. I dairy ziah hi i dam lai nunah mai ni lovin i thih hnu thleng pawha mite tan chhiar tlak leh entawn tlak,malsawmna lo ni mawlh rawh se!!!
( He article a ziah lai kha chuan “Tv.” a la ni a, an nu Muani  tlawmngaihna vang liau liau-in  “Pu” tih hming a pu ve thei chauh a ni. Pu Edenthara hi Literature a tui mi tak a ni a, ZKC ah a thuziak hmuh tur a awm nual a ni. Tunah Literature sub committee Secretary hna chelh mek a ni.Editor)