By: Ramchhanthanga
Juda ho ram Israel hual veltu Arab ramte’na an hlauh leh tih em em, khawvelin tluk loh ena an en, an chetna apianga hnehsawh tak mai-a an hna te hlen chhuak thei zel mai Israel dotute’na an hlauh ruk em em chu Israel Secret Service MOSSAD-Central Institute for Intelligence and Special Assignments ho te hi an ni.
Israel ram kha ama ke-a a din phat atang khan a vela Arab ramhote nen an innghirngho nghal char char a nih kha. Chutianga thenawm ramte nena buaina nei reng an nih avang chuan Prime Minister Ben Gurion-a khan Secret Service tha tak neih kha tulin a hria. Tichuan, June 1948 khan Secret Service pawl dinna tur order chu a lo tichhuak ta a ni. A hma chuan enthla tur pawl tenau neuh neuh chu an nei ve ngei a, mahse chute taka hman tlak an ni meuh lo.
Tichuan, he an Secret Service din thar hi hlawm thumah an then a: A hmasa ber chu Bureau of Military Intelligence a ni a, Counter espionage lam an khawih a; a pahnih na chu Political Department of Foreign Office a ni a, foreign intelligence lam an khawih thung a ni. A tirah chuan an nawi ve khawp mai a, mahse training tha leh hmanraw changkang an mamawh tih an inhrechhuak ta thuai a. Tichuan, an Secret Service chu hlawm khata kal turin September 1951 khan an indin tha leh ta a, MOSSAD chu a lo piang ta a ni.
MOSSAD Director hmasa ber chu Reuben Shiloah a ni a. Tichuan, British Intelligence leh American CIA-hovin training an pe ta char char mai a. Juda pa thluak nge nge a lo pui bawk a, rei lo te-ah espionage(inenthlakna) lampang a style thar, British ho leh American-ho hnen atanga an zir chhuah atangin leh anmahni style la khawpin an duang chhuak ta rup mai a. Hetiang lama khawvela hmanraw that ha leh ralthuam tha ber ber an lei khawm a, anmahni hman duh dan milin an siam danglam nghal zel bawk a; tichuan, rei lo te chhungin Israel chuan khawvela Secret Service tha ber pawl leh hmanraw nei changkang ber pawl chu a nei ta der mai. A tir phat atangin an tana kawng remchang deuh mai pahnih hi a awm nghal a, chu chu an zuan nghal chat mai a ni.
A pakhatnaah chuan Juda-ho hi khawvel hmun hrang hrangah an darh nasa em em a, chung hmun hran hrana awmte hnenah chuan ram hmangaihna leh in unauna rilru an han tuh phawt a, chumi chu remchangah hmangin ram hran hran inrelbawlna chungchang an hre zung zung thei nghal mai a.
A pahnihnaah chuan, thenawm ram te nena thu buai hla buai nei neuh neih reng an nih avangin eng lai mahin inthlahdulna hman a awm lo va; chu chuan nasa takin a pui bawk a. Tin, MOSSAD-ho hian eng hmanrua, eng tactic mah hi hman an tim ngai lo reng reng a, inbum, inthah, inruk bo tih velah harsatna engmah an neih loh avangin chu chuan an tan chet a tiawlsam em em bawk. Scientist te leh kawng engkima mi thiam ber ber an chhawr hmiah hmiah mai a, hma pawh an sawn chak nasa mai.
Khawvel ram pumah an inzar pharh a; tin, ram dang Secret Service-ho ten en thawkho anga lang siin an thuruk an ruk chhuah sak reng bawk a, an duh hunah chuan an chawk buai leh vak mai thin a ni. Vawi khat pawh French sawrkar-ho buai phili lai takin an thuruk an ruk chhuahsak nghek mai a. India leh Sri Lanka thlengin an inzar pharh vek a. An chet chhuah ve tawhnaah pawh khawvel mak tih khawpin an che zel. (chhunzawm a tan)
Ref: Thungaihnawm Huang
Print this post
Israel ram kha ama ke-a a din phat atang khan a vela Arab ramhote nen an innghirngho nghal char char a nih kha. Chutianga thenawm ramte nena buaina nei reng an nih avang chuan Prime Minister Ben Gurion-a khan Secret Service tha tak neih kha tulin a hria. Tichuan, June 1948 khan Secret Service pawl dinna tur order chu a lo tichhuak ta a ni. A hma chuan enthla tur pawl tenau neuh neuh chu an nei ve ngei a, mahse chute taka hman tlak an ni meuh lo.
Tichuan, he an Secret Service din thar hi hlawm thumah an then a: A hmasa ber chu Bureau of Military Intelligence a ni a, Counter espionage lam an khawih a; a pahnih na chu Political Department of Foreign Office a ni a, foreign intelligence lam an khawih thung a ni. A tirah chuan an nawi ve khawp mai a, mahse training tha leh hmanraw changkang an mamawh tih an inhrechhuak ta thuai a. Tichuan, an Secret Service chu hlawm khata kal turin September 1951 khan an indin tha leh ta a, MOSSAD chu a lo piang ta a ni.
MOSSAD Director hmasa ber chu Reuben Shiloah a ni a. Tichuan, British Intelligence leh American CIA-hovin training an pe ta char char mai a. Juda pa thluak nge nge a lo pui bawk a, rei lo te-ah espionage(inenthlakna) lampang a style thar, British ho leh American-ho hnen atanga an zir chhuah atangin leh anmahni style la khawpin an duang chhuak ta rup mai a. Hetiang lama khawvela hmanraw that ha leh ralthuam tha ber ber an lei khawm a, anmahni hman duh dan milin an siam danglam nghal zel bawk a; tichuan, rei lo te chhungin Israel chuan khawvela Secret Service tha ber pawl leh hmanraw nei changkang ber pawl chu a nei ta der mai. A tir phat atangin an tana kawng remchang deuh mai pahnih hi a awm nghal a, chu chu an zuan nghal chat mai a ni.
A pakhatnaah chuan Juda-ho hi khawvel hmun hrang hrangah an darh nasa em em a, chung hmun hran hrana awmte hnenah chuan ram hmangaihna leh in unauna rilru an han tuh phawt a, chumi chu remchangah hmangin ram hran hran inrelbawlna chungchang an hre zung zung thei nghal mai a.
A pahnihnaah chuan, thenawm ram te nena thu buai hla buai nei neuh neih reng an nih avangin eng lai mahin inthlahdulna hman a awm lo va; chu chuan nasa takin a pui bawk a. Tin, MOSSAD-ho hian eng hmanrua, eng tactic mah hi hman an tim ngai lo reng reng a, inbum, inthah, inruk bo tih velah harsatna engmah an neih loh avangin chu chuan an tan chet a tiawlsam em em bawk. Scientist te leh kawng engkima mi thiam ber ber an chhawr hmiah hmiah mai a, hma pawh an sawn chak nasa mai.
Khawvel ram pumah an inzar pharh a; tin, ram dang Secret Service-ho ten en thawkho anga lang siin an thuruk an ruk chhuah sak reng bawk a, an duh hunah chuan an chawk buai leh vak mai thin a ni. Vawi khat pawh French sawrkar-ho buai phili lai takin an thuruk an ruk chhuahsak nghek mai a. India leh Sri Lanka thlengin an inzar pharh vek a. An chet chhuah ve tawhnaah pawh khawvel mak tih khawpin an che zel. (chhunzawm a tan)
Ref: Thungaihnawm Huang
No comments:
Post a Comment