Rev. Lalsawichhunga
Jona kha Pathian tirh lohna lama a tlan tan tirh kha chuan a tluang ang reng hle a. A duhna lam pan tur lawng a remchang a, lawng mana a buai loh bakah upper class-ah ngat a chuang a. Thlipui leh tui fawn nasa tak kara lawng mite an thlaphan em em lai pawh khan tui takin a mu thei a. Lawng hotuin, “Tho la, i Pathian ko rawh” tiin a kai tho hial a nih kha. Milem be miin Pathian zawlnei muhil chu a kai tho hlauh zawk kha thil mak tak a ni.
Yangon bialtu pastor-a ka thut laiin kan thenawmah sorkar milian nupui zing tawngtai taima tak mai hi a awm a. An Buddhist danin a tawngtai zawh hian dar ri sin deuh hi a vaw ri rel rel thin a. Tuk khat chu a dar ri chuan, “Tho la, i Pathian ko rawh” min ti hian ka hre tlat mai. Chhun lamah kohhran hna tul tin reng thawkin ka vak chau lutuk a, zing thawh ka harsat hle thin a. Ka thawh rualin kal chhuah thuai tulin min lo hmuak fo bawk nen; Pathian be hman lo va ka chhuah chang a lo awm fo tawh tih ka inhre chhuak ta a. Chumi tuk atang chuan tuk tinin hma takah thovin Pathian ka au ve leh ta a ni.
Muslim ho hi ni tin vawi nga an tawngtai thin a. An tawngtai hunbi lo thlenin an biak in (Mosque) atanga laudspeaker-a an au luah luah laite hian “Tho la, i Pathian au ve ta che” tia hriatna nei kan awm em aw? An hna tul tak kalsan leh dawr khar meuhva an inkhawm thin kan hmuh changte hian, kan inkhawm loh chhan chhuanlam fahrah leh tling lo tak inhmuchhuak turin min chona ri a ni thei lawng maw?
Muhite kai tho tur leh Ama lam kan hawi lehna tur hian Pathian hian hmanrua a ngah hle a. Mi lungruh tak tihharh nan buaina leh harsatna chi hrang hrang, vanduaina leh chhiatna rap thlak tak pawh a hmang thei a. Mi rilru nem zawkte harhna tawk pawh a hria. Thu leh sacrament-te, hla leh tawngtainate hian mi tamtak a kai thovin a lam a hawi tir a, nunna thutakin a chawm thin. Amah hlat hret hrettute kohlet nan ring lo mite hial pawh hmanruaah a hmang mai a lo ni.
Jona kha a tho nain Pathian a ko lo, a ring a tikhawng tlat. Mahse nghapui kaw chhung atang meuh chuan Pathian a au chul mai. Kei pawh khan thovin Pathian lo au duh ta lo ila, nung damin a rawng ka la bawl meuh ang em aw ka ti thin. Nang pawhin thova Pathian au ve tura hriatna chhete neiin au duh lo la enge I hmachhawn dawn i hria em? I huam em? Seol kaw chhung atangin ka au ve mai ang i ti cheu dawn em ni?
Mana min leitu, nun pea min chhandamtu hian amah kan hawisan te, amah aia thil dang kan thlan zawk te hi a phal reng reng lo va. A chunga kan tih theih tawk ti lo va kan muthilh san hian thova, amah au tur leh a lam hawi turin, “Nang muhil ! meng la, Mithhi zing ata tho rawh, Tichuan Krista chuan a chhun eng ang che” (Eph. 5:14) tiin min la ko reng a ni.
“Lalpa, vantlang zingah i aw hre theiah min pui la; ka dam chhan, ka kumkhaw hla tur nang lo ni ber ang che.” Amen.
Muslim ho hi ni tin vawi nga an tawngtai thin a. An tawngtai hunbi lo thlenin an biak in (Mosque) atanga laudspeaker-a an au luah luah laite hian “Tho la, i Pathian au ve ta che” tia hriatna nei kan awm em aw? An hna tul tak kalsan leh dawr khar meuhva an inkhawm thin kan hmuh changte hian, kan inkhawm loh chhan chhuanlam fahrah leh tling lo tak inhmuchhuak turin min chona ri a ni thei lawng maw?
Muhite kai tho tur leh Ama lam kan hawi lehna tur hian Pathian hian hmanrua a ngah hle a. Mi lungruh tak tihharh nan buaina leh harsatna chi hrang hrang, vanduaina leh chhiatna rap thlak tak pawh a hmang thei a. Mi rilru nem zawkte harhna tawk pawh a hria. Thu leh sacrament-te, hla leh tawngtainate hian mi tamtak a kai thovin a lam a hawi tir a, nunna thutakin a chawm thin. Amah hlat hret hrettute kohlet nan ring lo mite hial pawh hmanruaah a hmang mai a lo ni.
Jona kha a tho nain Pathian a ko lo, a ring a tikhawng tlat. Mahse nghapui kaw chhung atang meuh chuan Pathian a au chul mai. Kei pawh khan thovin Pathian lo au duh ta lo ila, nung damin a rawng ka la bawl meuh ang em aw ka ti thin. Nang pawhin thova Pathian au ve tura hriatna chhete neiin au duh lo la enge I hmachhawn dawn i hria em? I huam em? Seol kaw chhung atangin ka au ve mai ang i ti cheu dawn em ni?
Mana min leitu, nun pea min chhandamtu hian amah kan hawisan te, amah aia thil dang kan thlan zawk te hi a phal reng reng lo va. A chunga kan tih theih tawk ti lo va kan muthilh san hian thova, amah au tur leh a lam hawi turin, “Nang muhil ! meng la, Mithhi zing ata tho rawh, Tichuan Krista chuan a chhun eng ang che” (Eph. 5:14) tiin min la ko reng a ni.
“Lalpa, vantlang zingah i aw hre theiah min pui la; ka dam chhan, ka kumkhaw hla tur nang lo ni ber ang che.” Amen.
(He article hi Zo Kawtchhuah (2005) bu hnihna a Rev. Lalsawichhunga thuziak lak chhuah a ni. Editor)
No comments:
Post a Comment