By: Josiah Z. Khiangte, Coordinator
UNHCR-CDU chuan a tih dan thin angin community hrang hrang hruaitute ko khawmin June 27, 2014 khan meeting a neih pui leh a. He meeting a main speaker, thu sawi tu ber chu RST department atang officer a ni. Mi tam tak in refugee chanpual emaw kan tih mai thin ram thumna kal (resettlement) hi a ve reng turah kan ngai a mahse officer chuan UNHCR hian refugee te ram thumna a kal turin engmah bat a nei lo a resettlement hi refugee te chanpual hrim hrim a ni lo a, refugee zawng zawng te ram thumna naah a thawn chhuak thei lo bawk mahse vanneihna (opportunity) zawk a ni a ti.
Tun dinhmun a khawvel pum huap a refugee awm zawng zawng zat chu 15,000,000 an ni a chung zing a 70,000 te chauh ram thumna ah a thawn (resettle) tir thin an ni. Tichuan, khawvel pum huap a refugee ram thumna a an thawn pa 6 zing a pa 1 (1/6) zel hi Malaysia ram atang an thawnn chhuah a ni a. Khawvel pum huapah Malaysia aia refugee ram thumna a thawn tam an awm lo. Malaysia atang UNHCR in mi an thawn chhuah dan chu a mihring tam lam percentage atang tehin an thawn chhuak thin a. Malaysia UNHCR hnuaiah hian Srilanka, Afghanistan, Nigeria, Myanmar etc. mi tam tak kan awm a. Entir nan Malaysia Myanmar refugee za a sawm riat (80/100) kan nih chuan resettle turin 80% hma min lak sak ang. Tichuan, Nigeria te hi Malaysia refugee awm zingah 40% an tlin chuan 40% resettlement turin UNHCR in hma an lak sak dawn a ni (A figure te hi entirna mai chauh a ni).
Tun dinhmun ah refugee la tam ber ram te chu America, Cananda leh Australia te an ni a mahse, nakum 2015 ah chuan heng ram pathum chauh ni lovin Europe ram thenkhat te pawh in refugee te an lak ngei a rin thu leh la tur pawhin UNHCR hian hma a la mek reng bawk a ni tiin officer chuan a sawi. Sawi tawh thin angin tun lai hian hming in ang, pian ni leh kum (date of birth) in ang, nu leh pa hming in ang, Malaysia thlen kum in ang etc. a tam hle kan tih thin tawh kha. He mi chung changah thu zawh fiah turin UNHCR atang mi tam tak an contact a mahse, an contact zing a 50 percent (50%) chauh UNHCR ah an inlan thei a. Hetiang a inlan tlemna chhan chu card lak kir leh an hlauh vang a ni e tiin community hruaituten thiam takin an sawi a. Tichuan, officer ten UNHCR card an chhuh sak loh tur thu an tiam a ni.
Hming inthuah chung changah UNHCR in an ko che a nih pawhin kan hming leh pian ni (date of birth) dik tak sawi mai a tha a. Min lo hrem deuh a nih pawhin reject tawp ai chuan a la tha reng reng tho. Tin, mahni awmna community ah te pawh thurawn lak a tha bawk ang. Hming inthuah chung changah UNHCR in min koh min koh pawh a kal duh lo tlat te chu an resettlement tih tawp theih a nih thu officer chuan a sawi bawk.
Thu dangah pakai ila. Kan hriat angin inman hi a awm reng a. UNHCR card nei pawh nei lo pawh kan him tak tak chuang lo, chuvangin intlan chhuah nan pawisa dah that sa neih a tha. Chuti a nih loh chuan pawimawh ah mi ta cheng ban chung kan tum thin a, mi an lo rem chan loh hlauh chuan chute der chu kan ni mai. Pawisa kan inkhawl duh lo a nih chuan jail tan tal in huam ang u! (Vol. 10// Issue 105 July 2014)
No comments:
Post a Comment