VL Awia
Siamtu’n a thlir vang vanga mawi a tih em em khawvelah hian chhia leh tha hriatna chhawr rim apiang an dingchang a. Ruahman leh hmathlir derdep apiang kan hnufual ting mai a ni. Kan retheih leh nawmsak hi kan kutah thui tak a innghat a. Malsawm dawnga hmuh theiha an than thur thur laiin, malsawmna lo lut tur kawng dal zawnga lo thu thluang tlat lah kan awm chawk bawk.
Thiamsa a piang chhuak bik awm lovin, rual patin a bul ret atangin zirna lamtluang kan zawh theuh va. Hriat theihna a inchen lova, thiam theih dan a inang thei hek lo. A tawp thlenga zir zirchhluak thinte chu thiam fal thei deuhte aiin hlawhtlin tum rana bei fan fante an ni fo thin. Thiam thei lo zir peih bawk si lo tan chuan beisei neih loh hmiah chu a beidawn loh thlak zawk daih ta ve ang. Hlawhtling tur chuan a sihhnip zawk ang maia dawh ringawt lova sual ve fat fat a tul reng a ni.
Zirna lamtluanga i hlawhtlin loh avangin hlawhchham let dera inngaiin i kun tlawk tlawk dawn em ni? Hnai love. A teuh lo mai. Hringnunah beidawngin i tuilian thlir ngawt tur a ni lovang, i kalna tur lam zawk chu kut hnathawh a ni mial maithei ania. Chung lamin a ruatsa diam hmuh hmaihin i lo hawihai rei deuh a ni mahna. Inthlahrungin tawm reng mah ta che. Kha..i thei ka tih kha, i thei chiang alawm. M.A valin a chhungkua hnianghnar tawkin a enkawl a, kut hnathawk pain i chhungte rual awt lova i siam ahnu. In hlutna a inang reng. M.A chhungkuain Sunday zinga vawksa an chhum hmui ham ham laiin zan khat rep ngat a nih kha i thai ve tho ni. Torres-a leh Rooney-a ball chhai vel pawh in tapchhak ve ve atangin in thlir a. In phone hmanga tuipuiral hmun kilkhawr leh vur ram thlenga in biak pawh theih chin lah a inchen reng. M.A par a mawi lo bik chuang lova, kut hnathawk rah a thlum lo bik hek lo. Khawvel ningkhawng kan hriat theih nan mithiam kan mamawh ang bawkin, kan mamawh chakkhai tinreng phuhrutu kut hnathawk-mi tel lovin kan khawsa thei lo.
Bawp khawkherha thut ngawt hian M.A chawimawina lallukhum a khum theih loh a. Kham rang tam tak hmachhawn loh theih a ni lo. Ni malsawm dawng tem pha tur chuan hnathawk pain mut rei leh awm awl a thlahlel lo hram hram thin. Zirna atan rilru chaklai, thatlai, vanglai ni chuh a tul ang bawkin, eng hna thawh nan pawha duhawm ber chu vanglai ni hi a lo ni. Mihringah hriatna chaknate hi a ni telin a tla hniam zel si a. Rosangliana (Zo Rock) pui roh hi ka ngei ngawt mai. Ka haw hluah hluah. ‘Vanglai Ni’ tih hla kha ka phuah atan ka hual riau riau laiin min lo phuah khalh daih a nih chu mawle! Ka la chhuahchhal maithei.
A bik takin Zofate kan nih tur ang min nihtir lo fotu chu kan duham lo leh lutuk hi a ni. Kan ruahman a, theih tawp kan chhuah a, kan hlawhtling ngei, i ti teh ang. Chu aia sang zawk kan la tlin ngei tur chu thlir zui lovin kan tawpsan a, chen hlan nghakhlelin kan phi ruai thin. Mithiamte chuan kan thluakin hna a thawh theihna 20% chauh kan hmang tlangpui an tih kha. 80 % la awm hnur dah tawla thulkhung chu pamhmai tham tak a ni. Thianghlim tak si dem kai si lovin i duham mawlh teh ang u. Kan hriatna leh chaknate hian tun aia dinhmun sang zawkah min la vawrh thei reng a ni.
Tuna kan chenna rama kan dinhmun hi a runthlak zawnga thlir lek phei chuan runthlak tak a ni. Harsatna kan hmachhawn dan a hrang nuk ta ve ang. Sepui ruah tawrh rikngawt mai loh chu tih theih a tlem si a. Kan khuaah kha chuan khawtualpa kan ni a.Man thei leh rek thei pawhin min thawng zen zen lo. Mahni in lum atangin kan fehkawng theuh zawhin kan hmanhlel thin. Chhuan khat chauh pawh kan nghei ngai em loh kha. Chung a pik mai lo, hnuai pawh a pik a nih hi le. Rualawh luatah ka suangtuahna vak vel hui khawmin duhthu ka sam ve fo thin a. Kan zingah hian computer lama mi chungchuang, khawvel sumdawnna kawnga mi challang, music-a mi rawn tling te chu awm ngai ila chuan tun ang teh hrep hian ti duk lovin ralmuang leh tlangnel zawkin he ramah hian tual kan leng ngei ang. Tunah rih chuan e…kan mikhualna rama kan thlavang hauhtu tur an awm mawlh lo a ni.VIP-te tan sawm loh mikhual kan ni a, company lian tak tak tan mipui titamtu mi satliah ve mai, music industry tan an bengkhawn loh mi pangngai ve mai kan ni. Buaina lian tham deuhvin min chim vaih se, khawnge zualkovin kan harsatna kan thlen tak ang le? Keimahni zing ami ngei mi thiam rintlak rikrum thil pawha min ngaihven vat vat tur kan va mamawh tak em! Kawng engkimah a chuan chung hauh pha chin, a lairil dek pha chin kan mi leh sa ngei kan mamawh ngawih ngawih a ni. Tunah ngei hian bul tan nan khua a tlai dawn em ni? Tunah! Kan ngaihtuahna i seng mawlh teh ang u. Zopa thluak hi a muangin a chawlawl bik reng reng lova, a tharum pawh a chhuanawm tawk tihah hian chiang ila. Veng dangin mei eng chhit sen loh an neih laia Tahan kan thim tlat thin pawh kha a bul ber chu khu lamin an zah tur leh kan venga current pawt thleng zo tur power nei kan awm thlawt loh vang a ni ngei ang. Inngaihtuah chet chet a hun a ni. Thang-thar mu reng suh! Tho teh khai...
I hlawhtlina i lo len hian nangmah chauh emaw nihlawh i inti palh hloh ang nge. A ni mai lo. I chhungkhat laina, thenawm khawveng, khawtlang leh Kohhran chenin kawng khat talin i zar kan lo zo ve thin asin. Duh tawk hlek suh, peipung zel rawh khai. Sum hian engkim tithei lo mahse, engkim tih theihna hmanrua a ni miau alawm.
Kan tukverh hru faiin thlir zau deuh ila. Lersia robawm hai turin! Baptisma chang ve hlei lote mahin an thawh rah senga hausakna an hai luh theih chhung chuan keini Amah betute hi Vanami khian min thlahthlam tawp lovang.
Kan zirlai, kan thawh lai theuhvah rilru pe-in, thahnemngai lehzualin, thlemna virus inthlemtir lovin, nun ulukin, chung lam rawn chung zelin i tang phek teh ang u. Uluk takin. Uluk zawkin le…
Thiamsa a piang chhuak bik awm lovin, rual patin a bul ret atangin zirna lamtluang kan zawh theuh va. Hriat theihna a inchen lova, thiam theih dan a inang thei hek lo. A tawp thlenga zir zirchhluak thinte chu thiam fal thei deuhte aiin hlawhtlin tum rana bei fan fante an ni fo thin. Thiam thei lo zir peih bawk si lo tan chuan beisei neih loh hmiah chu a beidawn loh thlak zawk daih ta ve ang. Hlawhtling tur chuan a sihhnip zawk ang maia dawh ringawt lova sual ve fat fat a tul reng a ni.
Zirna lamtluanga i hlawhtlin loh avangin hlawhchham let dera inngaiin i kun tlawk tlawk dawn em ni? Hnai love. A teuh lo mai. Hringnunah beidawngin i tuilian thlir ngawt tur a ni lovang, i kalna tur lam zawk chu kut hnathawh a ni mial maithei ania. Chung lamin a ruatsa diam hmuh hmaihin i lo hawihai rei deuh a ni mahna. Inthlahrungin tawm reng mah ta che. Kha..i thei ka tih kha, i thei chiang alawm. M.A valin a chhungkua hnianghnar tawkin a enkawl a, kut hnathawk pain i chhungte rual awt lova i siam ahnu. In hlutna a inang reng. M.A chhungkuain Sunday zinga vawksa an chhum hmui ham ham laiin zan khat rep ngat a nih kha i thai ve tho ni. Torres-a leh Rooney-a ball chhai vel pawh in tapchhak ve ve atangin in thlir a. In phone hmanga tuipuiral hmun kilkhawr leh vur ram thlenga in biak pawh theih chin lah a inchen reng. M.A par a mawi lo bik chuang lova, kut hnathawk rah a thlum lo bik hek lo. Khawvel ningkhawng kan hriat theih nan mithiam kan mamawh ang bawkin, kan mamawh chakkhai tinreng phuhrutu kut hnathawk-mi tel lovin kan khawsa thei lo.
Bawp khawkherha thut ngawt hian M.A chawimawina lallukhum a khum theih loh a. Kham rang tam tak hmachhawn loh theih a ni lo. Ni malsawm dawng tem pha tur chuan hnathawk pain mut rei leh awm awl a thlahlel lo hram hram thin. Zirna atan rilru chaklai, thatlai, vanglai ni chuh a tul ang bawkin, eng hna thawh nan pawha duhawm ber chu vanglai ni hi a lo ni. Mihringah hriatna chaknate hi a ni telin a tla hniam zel si a. Rosangliana (Zo Rock) pui roh hi ka ngei ngawt mai. Ka haw hluah hluah. ‘Vanglai Ni’ tih hla kha ka phuah atan ka hual riau riau laiin min lo phuah khalh daih a nih chu mawle! Ka la chhuahchhal maithei.
A bik takin Zofate kan nih tur ang min nihtir lo fotu chu kan duham lo leh lutuk hi a ni. Kan ruahman a, theih tawp kan chhuah a, kan hlawhtling ngei, i ti teh ang. Chu aia sang zawk kan la tlin ngei tur chu thlir zui lovin kan tawpsan a, chen hlan nghakhlelin kan phi ruai thin. Mithiamte chuan kan thluakin hna a thawh theihna 20% chauh kan hmang tlangpui an tih kha. 80 % la awm hnur dah tawla thulkhung chu pamhmai tham tak a ni. Thianghlim tak si dem kai si lovin i duham mawlh teh ang u. Kan hriatna leh chaknate hian tun aia dinhmun sang zawkah min la vawrh thei reng a ni.
Tuna kan chenna rama kan dinhmun hi a runthlak zawnga thlir lek phei chuan runthlak tak a ni. Harsatna kan hmachhawn dan a hrang nuk ta ve ang. Sepui ruah tawrh rikngawt mai loh chu tih theih a tlem si a. Kan khuaah kha chuan khawtualpa kan ni a.Man thei leh rek thei pawhin min thawng zen zen lo. Mahni in lum atangin kan fehkawng theuh zawhin kan hmanhlel thin. Chhuan khat chauh pawh kan nghei ngai em loh kha. Chung a pik mai lo, hnuai pawh a pik a nih hi le. Rualawh luatah ka suangtuahna vak vel hui khawmin duhthu ka sam ve fo thin a. Kan zingah hian computer lama mi chungchuang, khawvel sumdawnna kawnga mi challang, music-a mi rawn tling te chu awm ngai ila chuan tun ang teh hrep hian ti duk lovin ralmuang leh tlangnel zawkin he ramah hian tual kan leng ngei ang. Tunah rih chuan e…kan mikhualna rama kan thlavang hauhtu tur an awm mawlh lo a ni.VIP-te tan sawm loh mikhual kan ni a, company lian tak tak tan mipui titamtu mi satliah ve mai, music industry tan an bengkhawn loh mi pangngai ve mai kan ni. Buaina lian tham deuhvin min chim vaih se, khawnge zualkovin kan harsatna kan thlen tak ang le? Keimahni zing ami ngei mi thiam rintlak rikrum thil pawha min ngaihven vat vat tur kan va mamawh tak em! Kawng engkimah a chuan chung hauh pha chin, a lairil dek pha chin kan mi leh sa ngei kan mamawh ngawih ngawih a ni. Tunah ngei hian bul tan nan khua a tlai dawn em ni? Tunah! Kan ngaihtuahna i seng mawlh teh ang u. Zopa thluak hi a muangin a chawlawl bik reng reng lova, a tharum pawh a chhuanawm tawk tihah hian chiang ila. Veng dangin mei eng chhit sen loh an neih laia Tahan kan thim tlat thin pawh kha a bul ber chu khu lamin an zah tur leh kan venga current pawt thleng zo tur power nei kan awm thlawt loh vang a ni ngei ang. Inngaihtuah chet chet a hun a ni. Thang-thar mu reng suh! Tho teh khai...
I hlawhtlina i lo len hian nangmah chauh emaw nihlawh i inti palh hloh ang nge. A ni mai lo. I chhungkhat laina, thenawm khawveng, khawtlang leh Kohhran chenin kawng khat talin i zar kan lo zo ve thin asin. Duh tawk hlek suh, peipung zel rawh khai. Sum hian engkim tithei lo mahse, engkim tih theihna hmanrua a ni miau alawm.
Kan tukverh hru faiin thlir zau deuh ila. Lersia robawm hai turin! Baptisma chang ve hlei lote mahin an thawh rah senga hausakna an hai luh theih chhung chuan keini Amah betute hi Vanami khian min thlahthlam tawp lovang.
Kan zirlai, kan thawh lai theuhvah rilru pe-in, thahnemngai lehzualin, thlemna virus inthlemtir lovin, nun ulukin, chung lam rawn chung zelin i tang phek teh ang u. Uluk takin. Uluk zawkin le…
(Pu. VL Awia hi ZKC tan article a thawh hlawk thin hle a, Malaysia a awm chhung khan thaibawih lam hi a ziak uar thin hle. Amah nge a chenpuite an thaibawih zawk ka hre lo. A thai fuh thei phian leh nghal a. Ka mamawh hun hunah article ka dil chawt thin a min tihhlawtlinsak zel bawk a. Editor)
Print this post
No comments:
Post a Comment