Zalianthanga, Tahan
Ngei hmahruai
Mi ngei zawngin kan awm palh ang tih hi kan thil hlauh pakhat chu a ni a. Amaherawh chu tum lo er sateh mah ila, mite thunun theih kan nih miau loh avang phengin kan pumpelh dawn chuang lo ni hian a lang bawk si nen. Chu chu dah that, keimahni leh keimahni pawh a chang chuan kan inngeih lo thawthang chu a ni si a. Chuta chhapah mi huat zawngte hi kan la nei leh nghal pek a, buaithlak ve deuh asin. Min ngei lotu va ngei chiam lah hi a rukin kan in tihrehawm thlawn mai a, min ngei hluah hluah tih hriat mang si lova, tawngpawng va bekbawr chiam lah hi tih fuh loh a awl phian leh nghal a.
Eng le khaw le, i awm pangngai ang khan awm mawp mawp phawt mai la, a ngei ngeiin an ngei che ang a, i ngei ngeiin i ngei ve mai dawn nia. Khawvel hi khawvel a nih chhung chuang he thil hian tawpin tai a nei i khaw dawn lo a nih hi.
Luak i tichhuak: He tawngkam te reuh hi a ngeiawm hranpa ve asin. Kan thenawm nu, rai no khan an pa a ngei tlat pek chu khawlh ve tak a ni. Nu ber duat lai hun bera pa ber huat tlat mai chu khawlh ve tak zawng chu a ni. Chu aia hluar kai tak pakhat chu; Dawng-Stika fanu khan Veng mawnga Mawi-lu-kira kha ngei awm mai mai asin, ‘A hmel ka hmuh hian ka luak a chhuak tlat’ zu ti peka mawle. He boruak ang hi an sawi thawm ka hre zauh zauh tawh thin a, a dik mai thei.
Thianpa Sangpatea khan ‘Saw mihring chu alawm ka hmuh hian ka uak lo chauh a ni’ zu han ti ve mauh a le. A ni dawn tak e, kan eng i-khaw, chhete mah sawi mah suh se la, a kal dan, a nuih dan, a thawmhnaw dak dan leh hawiher atang ringawt pawh hian kan lo ngei em em thei hi a lo ni reng thei dawn hi a ni a. A buaithlak ve phian asin.(A buaina zawng kan thlak tawh chuan, eng nge buaithlak chu a awm tawh reng ang le, i lo ti thla ve rawk ang nge, kha lam zawng khan kan thlek hranpa lo a nia)
Tawng chaltlai: Dak thei zuah zauah lah hi a bengchheng thlawn mai a, tawng mawh chuar chaur lah hi pawi an sawi tlem nain sawi awm tur an khek leh lawi bawk si a, a awm tawk chu a a awm naa, thiam zawng a har a nih hi. Amaherawh chu naupang zawkina u rual emaw nu leh pate rual biak dan erawh hi chu kan zir a tha hle ang. A tuate pawh hi ni se, nawmnah tak leh chaldelh deuha tawngkam thlahdah hi ngeiawm tak a nih mai bakah malsawm dawn lohna hial a chang thei a ni. Aia upa zah, ei leh in thu-hlaah ar nghal ang maia chet loh leh thutna kian chungchang thuah te thleng hian kan zah thiam a tha hle.
He thil hi tunlai thalaite tlakchham tak kan hri vei pakhat chu a ni reng a ni. Ka u, ka nu, ka pa, ka pi, ka pu I dam em, tunlai chu I va ziaawm ve…Eng nge tihsak theih che ka neih ang…tih tawngkam te hi ngaihthalh a va hahdam em…Tawng chaltlai mi reng reng khawi hmuhah mah, an tuitla thei tak tak ngai lo asin. Beng a thlep a, an ngeiawm duh chawk.
Kawng dal zawnga englo hun: Haihawt vang leh hmanhmawh luat vanga tih palh thil chu a awm ve na meuh mai. Hengah pawh hian mi invawng fel deuhte chuan an thlauk bur an hmang hman tho a. Chuti ni lem hran lo inthlahdah vanga a rem remnaah emaw kawng dal zawngin emaw lirthei leh thil eng emaw kan han hung kher kher thin hi chu a buaithlak piah lam hret zawng a ni e. Luh-ka zawn takah emaw veivahna tur tak englo hun hi a ngeiawm duh a, hmelhriat tha pawh ni se, a dal lo zawnga englo hun hi a fin thlak hle a ni. Sawipuia khan ‘Kawrah bawlhhlawh a paih a, engah nge khatah khan i paih mai le, an ti a, Sawia chuan ‘A rei dawn lo’ a ti a ni awm a.
Chuti ang deuh chuan hmanhmawh vanga kawng lun laia ‘ A rei dawn lo, ka lo dah lawk’ tih pawh hi a lo lawk thei mai bik loh avangin kawng dal loh zawnga dah felsa hi kan that tlangna a ni ber mai. Lirthei a lo thahnem tial tial ang a, kawng lah a chep si a, hnawksak tham khawpin kan la buaipui hun a la awm ngei ang. Chung hunah chuan a lak chhuah awlsam zawng leh mite dipdal loh zawnga kawng zawn thiam a pawimawh hle dawn a ni. Mumal lo deuha kan hun chuan ngei hlawhna mai a ni.
Inleng thawveng: Tunlai chhanah chuan mi ina kan len pawhin fimkhur a ngai ta hle mai. A chhan chu hnathawhna lamah kan tul tlang tawh avangin rei tak taka inkawm hi a chi mi vak ta lo a ni ber mai. Thenkhat chuan kan nel luatah Vedio chhuahna khawl thilte hi kan khawih ve nawk nawk mai thin a, vawi khat hmeh suala thil pawi thei leh sum senna tham a nih avangin ninhlei loh a tha khawp mai. Mi ina inlengte film leh ball pet duh zawng chhuahtir fo pawh hi hmaizah dan tawk kan thiam a ngai.
Zan tairek thleng thleng ball en leh lek phei hi chu in neituten an tui mang lo phei chuan ninawmah a kal thei a, kan inzuam sual pal hang tih phanawm tak a ni. Chu lo leh chu naupang harhvang chungchang hi a ni. An ngamtlakte inah an len tawh hi chuan tumah hmaizah nei hek lo i, duh duh an khawi tawh mai, pindanah leh chokaah te an khawih rek rek a, pheikhawkte kha chi burahte an hnawh tawh hi chuan manna thlak tak a ni tawh thin. Chuvang chuan kan fate mi inah an len hian um zui vat a tha hle.
Mawl vang nge beng var loh vang:Tum khat chu lei (Dik lo taka leilawn an tih fo chu) chhia siamin kan hnatlang hlawm, Bike chuan tlangval pakhat hian kal tlang phet tumin a horn a hmet ri tuar tuar pek a. Hnatlang zinga upa pakhat chuan ‘Tlangval, mawl viau teh suh, Bike pawh a leng tawk tawk a, mi heti zozai kara, kal tlang phet i tum hi chu inngaihtuah chiang fe rawh’ tiin a zilh nghek tak kha. Chhungkua emaw thianzaho emaw thiltihhonaa tute emaw lo inrawlh tum phet te, sawm leh ruat i khaw mang si lova lo fatu chiamte lah hi kan la awm thla zen a, ‘Saw mihring saw ruat loh a tawk chauh’ an ti vaihte chuan aw a pawi thui viau thei asin.
Thinsen leh basangam hrim hrim kan awm pek a, hmai chhana han inhrilh dawt dawn lahin ‘Zawnga hmai mah zah a na’ tih deuh hi a ni a, tim deuh uaih uaihin kan tuar tlawk tlawk mai zawng a nih hi. Rorelna hmuna thu chai apiang dinpui sek te, hre ber ni awm anga in lak lian chiam te hi hla sak nin tawh lama hla lak nawn angin a ngeiawm duh phian a ni. Thil in tihre theite lah hi eng pawh sawi ila, an zawm ve thei lawi si a, a chang chuan ‘Thiana, hre lo ve em em deuh teh’ tih mai palh awl tak a ni.
Mi ngei zawngin kan awm palh ang tih hi kan thil hlauh pakhat chu a ni a. Amaherawh chu tum lo er sateh mah ila, mite thunun theih kan nih miau loh avang phengin kan pumpelh dawn chuang lo ni hian a lang bawk si nen. Chu chu dah that, keimahni leh keimahni pawh a chang chuan kan inngeih lo thawthang chu a ni si a. Chuta chhapah mi huat zawngte hi kan la nei leh nghal pek a, buaithlak ve deuh asin. Min ngei lotu va ngei chiam lah hi a rukin kan in tihrehawm thlawn mai a, min ngei hluah hluah tih hriat mang si lova, tawngpawng va bekbawr chiam lah hi tih fuh loh a awl phian leh nghal a.
Eng le khaw le, i awm pangngai ang khan awm mawp mawp phawt mai la, a ngei ngeiin an ngei che ang a, i ngei ngeiin i ngei ve mai dawn nia. Khawvel hi khawvel a nih chhung chuang he thil hian tawpin tai a nei i khaw dawn lo a nih hi.
Luak i tichhuak: He tawngkam te reuh hi a ngeiawm hranpa ve asin. Kan thenawm nu, rai no khan an pa a ngei tlat pek chu khawlh ve tak a ni. Nu ber duat lai hun bera pa ber huat tlat mai chu khawlh ve tak zawng chu a ni. Chu aia hluar kai tak pakhat chu; Dawng-Stika fanu khan Veng mawnga Mawi-lu-kira kha ngei awm mai mai asin, ‘A hmel ka hmuh hian ka luak a chhuak tlat’ zu ti peka mawle. He boruak ang hi an sawi thawm ka hre zauh zauh tawh thin a, a dik mai thei.
Thianpa Sangpatea khan ‘Saw mihring chu alawm ka hmuh hian ka uak lo chauh a ni’ zu han ti ve mauh a le. A ni dawn tak e, kan eng i-khaw, chhete mah sawi mah suh se la, a kal dan, a nuih dan, a thawmhnaw dak dan leh hawiher atang ringawt pawh hian kan lo ngei em em thei hi a lo ni reng thei dawn hi a ni a. A buaithlak ve phian asin.(A buaina zawng kan thlak tawh chuan, eng nge buaithlak chu a awm tawh reng ang le, i lo ti thla ve rawk ang nge, kha lam zawng khan kan thlek hranpa lo a nia)
Tawng chaltlai: Dak thei zuah zauah lah hi a bengchheng thlawn mai a, tawng mawh chuar chaur lah hi pawi an sawi tlem nain sawi awm tur an khek leh lawi bawk si a, a awm tawk chu a a awm naa, thiam zawng a har a nih hi. Amaherawh chu naupang zawkina u rual emaw nu leh pate rual biak dan erawh hi chu kan zir a tha hle ang. A tuate pawh hi ni se, nawmnah tak leh chaldelh deuha tawngkam thlahdah hi ngeiawm tak a nih mai bakah malsawm dawn lohna hial a chang thei a ni. Aia upa zah, ei leh in thu-hlaah ar nghal ang maia chet loh leh thutna kian chungchang thuah te thleng hian kan zah thiam a tha hle.
He thil hi tunlai thalaite tlakchham tak kan hri vei pakhat chu a ni reng a ni. Ka u, ka nu, ka pa, ka pi, ka pu I dam em, tunlai chu I va ziaawm ve…Eng nge tihsak theih che ka neih ang…tih tawngkam te hi ngaihthalh a va hahdam em…Tawng chaltlai mi reng reng khawi hmuhah mah, an tuitla thei tak tak ngai lo asin. Beng a thlep a, an ngeiawm duh chawk.
Kawng dal zawnga englo hun: Haihawt vang leh hmanhmawh luat vanga tih palh thil chu a awm ve na meuh mai. Hengah pawh hian mi invawng fel deuhte chuan an thlauk bur an hmang hman tho a. Chuti ni lem hran lo inthlahdah vanga a rem remnaah emaw kawng dal zawngin emaw lirthei leh thil eng emaw kan han hung kher kher thin hi chu a buaithlak piah lam hret zawng a ni e. Luh-ka zawn takah emaw veivahna tur tak englo hun hi a ngeiawm duh a, hmelhriat tha pawh ni se, a dal lo zawnga englo hun hi a fin thlak hle a ni. Sawipuia khan ‘Kawrah bawlhhlawh a paih a, engah nge khatah khan i paih mai le, an ti a, Sawia chuan ‘A rei dawn lo’ a ti a ni awm a.
Chuti ang deuh chuan hmanhmawh vanga kawng lun laia ‘ A rei dawn lo, ka lo dah lawk’ tih pawh hi a lo lawk thei mai bik loh avangin kawng dal loh zawnga dah felsa hi kan that tlangna a ni ber mai. Lirthei a lo thahnem tial tial ang a, kawng lah a chep si a, hnawksak tham khawpin kan la buaipui hun a la awm ngei ang. Chung hunah chuan a lak chhuah awlsam zawng leh mite dipdal loh zawnga kawng zawn thiam a pawimawh hle dawn a ni. Mumal lo deuha kan hun chuan ngei hlawhna mai a ni.
Inleng thawveng: Tunlai chhanah chuan mi ina kan len pawhin fimkhur a ngai ta hle mai. A chhan chu hnathawhna lamah kan tul tlang tawh avangin rei tak taka inkawm hi a chi mi vak ta lo a ni ber mai. Thenkhat chuan kan nel luatah Vedio chhuahna khawl thilte hi kan khawih ve nawk nawk mai thin a, vawi khat hmeh suala thil pawi thei leh sum senna tham a nih avangin ninhlei loh a tha khawp mai. Mi ina inlengte film leh ball pet duh zawng chhuahtir fo pawh hi hmaizah dan tawk kan thiam a ngai.
Zan tairek thleng thleng ball en leh lek phei hi chu in neituten an tui mang lo phei chuan ninawmah a kal thei a, kan inzuam sual pal hang tih phanawm tak a ni. Chu lo leh chu naupang harhvang chungchang hi a ni. An ngamtlakte inah an len tawh hi chuan tumah hmaizah nei hek lo i, duh duh an khawi tawh mai, pindanah leh chokaah te an khawih rek rek a, pheikhawkte kha chi burahte an hnawh tawh hi chuan manna thlak tak a ni tawh thin. Chuvang chuan kan fate mi inah an len hian um zui vat a tha hle.
Mawl vang nge beng var loh vang:Tum khat chu lei (Dik lo taka leilawn an tih fo chu) chhia siamin kan hnatlang hlawm, Bike chuan tlangval pakhat hian kal tlang phet tumin a horn a hmet ri tuar tuar pek a. Hnatlang zinga upa pakhat chuan ‘Tlangval, mawl viau teh suh, Bike pawh a leng tawk tawk a, mi heti zozai kara, kal tlang phet i tum hi chu inngaihtuah chiang fe rawh’ tiin a zilh nghek tak kha. Chhungkua emaw thianzaho emaw thiltihhonaa tute emaw lo inrawlh tum phet te, sawm leh ruat i khaw mang si lova lo fatu chiamte lah hi kan la awm thla zen a, ‘Saw mihring saw ruat loh a tawk chauh’ an ti vaihte chuan aw a pawi thui viau thei asin.
Thinsen leh basangam hrim hrim kan awm pek a, hmai chhana han inhrilh dawt dawn lahin ‘Zawnga hmai mah zah a na’ tih deuh hi a ni a, tim deuh uaih uaihin kan tuar tlawk tlawk mai zawng a nih hi. Rorelna hmuna thu chai apiang dinpui sek te, hre ber ni awm anga in lak lian chiam te hi hla sak nin tawh lama hla lak nawn angin a ngeiawm duh phian a ni. Thil in tihre theite lah hi eng pawh sawi ila, an zawm ve thei lawi si a, a chang chuan ‘Thiana, hre lo ve em em deuh teh’ tih mai palh awl tak a ni.
Hun remchang chuh: Mitthi vuina leh inneih program kar cheha Sermon nghek te hi hun remchang laknaah kan lo ngai a nih chuan mipui tihvuivaihna lek fang a ni thei. Mipui ngaichang lem lova, program hnawh khat hnur pawh hi ban tawh hnuah rel an hlawh duh khawp mai. Chhiat tawk chhungtena an buatsaih thin ei in te hi thenkhat chuan remchanga chuhin an paipawn haw duh zelte pawh a awm ni fahmiang.
Thenkhat ve thung chuan in lama kan ei ngai lo leh tih ngai loh thleng thlengin ruai an buatsaihnaah ‘Ka ei thei lo, chu-e-kha-e tiin kan phunchiar ta thin a, a tha lo khawp mai. Hrilselnaina a ngeih loh leh ei thei lo hrim hrimte kha chu an awm na meuh mai. Hun remchang chuh vanga in tivaitingtang chiam hi mi ngei hlawhna mai a ni. Sihhnip avanga mi hnena chaw vawi khat va bar mai hian hming chhiat a hlawh thei bawk a, ei rawh in rawh tia awm reng hi thil nuam lo tak a ni.
Chuvang chuan fatute tan fimkhur a tul em em a ni. Sa chhum awlh chiangkuang vak lo leh hmin chiang lova mipui hrai hi thil zahthlak tak a ni.
Kuangbang zutna: Kan han tlak ta duah pek a, Tluanglulawkte chuan min chhang kham leh titih tawh ngei ang le. Zepnak emaw, ‘Mipui an thuhmun thei lo’ an ti mathlawn lovin. In tithlarau mite chuan Varnaw hi an chaw tui ber a nih lain thenkhat te chuan at sohnaah a ngai thunga, ruih tawh hnua sawi ngai sawi nawn lo te, tawng inchuh te leh sap twang rak nawk nawk te aiin Kohhran sum ti chingpentu kan ngai thiam lek lek dawn a, a ruka hre chiangtute chuan a ngei ve ngawt ang le. Ni e, he boruak te reuh hi a kum tela lo inhrualhrawt thim tawh hle mah se, vawi khat tih sual avang leh tawngkam khat chheh sual avangin inhuat kumkhuana a then thei maia, khur fima awm ang main fimkhur a tul tak meuh a ni.
(Tv. em em Zalianthanga hi ZKC tan aricle rawn thawh reng rengtu a ni a. A thuziakte hi a bengvar thlakin Tahan lam boruak kan lo tem pha ve zel a a chungah kan lawm tak zet a ni. He article hi ZKC Birthday hriatreng nan kan rawn tarlang leh a ni. Editor)
Print this post
Thenkhat ve thung chuan in lama kan ei ngai lo leh tih ngai loh thleng thlengin ruai an buatsaihnaah ‘Ka ei thei lo, chu-e-kha-e tiin kan phunchiar ta thin a, a tha lo khawp mai. Hrilselnaina a ngeih loh leh ei thei lo hrim hrimte kha chu an awm na meuh mai. Hun remchang chuh vanga in tivaitingtang chiam hi mi ngei hlawhna mai a ni. Sihhnip avanga mi hnena chaw vawi khat va bar mai hian hming chhiat a hlawh thei bawk a, ei rawh in rawh tia awm reng hi thil nuam lo tak a ni.
Chuvang chuan fatute tan fimkhur a tul em em a ni. Sa chhum awlh chiangkuang vak lo leh hmin chiang lova mipui hrai hi thil zahthlak tak a ni.
Kuangbang zutna: Kan han tlak ta duah pek a, Tluanglulawkte chuan min chhang kham leh titih tawh ngei ang le. Zepnak emaw, ‘Mipui an thuhmun thei lo’ an ti mathlawn lovin. In tithlarau mite chuan Varnaw hi an chaw tui ber a nih lain thenkhat te chuan at sohnaah a ngai thunga, ruih tawh hnua sawi ngai sawi nawn lo te, tawng inchuh te leh sap twang rak nawk nawk te aiin Kohhran sum ti chingpentu kan ngai thiam lek lek dawn a, a ruka hre chiangtute chuan a ngei ve ngawt ang le. Ni e, he boruak te reuh hi a kum tela lo inhrualhrawt thim tawh hle mah se, vawi khat tih sual avang leh tawngkam khat chheh sual avangin inhuat kumkhuana a then thei maia, khur fima awm ang main fimkhur a tul tak meuh a ni.
(Tv. em em Zalianthanga hi ZKC tan aricle rawn thawh reng rengtu a ni a. A thuziakte hi a bengvar thlakin Tahan lam boruak kan lo tem pha ve zel a a chungah kan lawm tak zet a ni. He article hi ZKC Birthday hriatreng nan kan rawn tarlang leh a ni. Editor)
No comments:
Post a Comment