Edenthara Varte
Leilung leh a chhunga thil awm zawng zawng Siamtu hmingin chibai le,ka Nu. Bang lova i mi tawngtai sakna a zarah ka damin ka hna pawh ka la tluang ve zel a nia, nang pawh chung Khuanu venhimna hnuaiah dam te a i lo awm ka beisei.
Hun leh nite an herliama,thal thli a lo thaw a hnah hluite lo tilin fur ruahtui thiang lo tla in hnah thar a rawn chawr chhuahpui leh ang mai hian duat taka i mi enkawl seilenna, i hmangaihna tang nemah bei reng duh thin mah i la hringnun hi kan duh dan ringawtin a inher thei si lo,hreh tak chunga lenna tlang dan a lo ngai leh thin. Ka lo puitlin hun nghakhlel takin ka nitin nun hi beiseina nen i lo thlir reng thina, mi ang sa ang ka lo nih theih nan i ei leh in ai min pe a, a sur a sa pawh kian phal lovin siliper bun thlak tur tak ngial pawh nei lovin i hun leh nun zawng zawng ka tan i hlan thin a nih kha. Hun leh nite lo herliamin ka lo puitling ta ngei mai, mahse i beisei lo ang taka i hmagnaihna leh min chawiseilenna lamtluang kha haiderin i rilru tihahtu, i mittui titla fotu ka lo ni kha chu khawvela ka thil tih sual lian ber a lo ni. Engtin nge khang thil te kha ka lo tih theih zawk?
Tunah chuan puitling ka lo ni ve tawh a, hmun hrang hrangahte kalin i mi duhsakna avangin lehkha ka zira, lenrual ka awma,tawn hriat pawh ka kum milin tam tak ka lo nei ve ta, chung ka tawnhriat zawng zawng zinga ropui ka tih ber chu danglam ngai lova i mi hmangaihna hlu tak hi a ni. Khawvel zirna school hran hranah te kalin zirtirtu pawh mi fel tak tak ka lo tawng tawh thin, mahse chung zawng zawng ai chuan mawlmang taka nun kawng tha ka neih theih nana i mi zirtirna kha ka tan chuan a lo hlu zawk deih. Khawvel schoolah chuan ka zirlai ka pass a ka mawhphurhna ka hlen chuan kum a lo veiin Degree ka khum ve mai, mahse ka naupan lai ata tawh i mi zirtirna kha ka zira, ka zir meka ka la zir zel dawn a nih hi, a chhan chu ka nun pum innghahna lo niin ka la pass thei lo tlat.
Zan ka mut theih loh chana ka ngaihtuah chhuah hmasak ber thin chu, kan naupan lai khan zan thal khaw lum karah thlanzah(hmaizah)kengin kan unau zain min mut tlar tira, duat takin min zap hliau hliau thina, tawngtai dan te min zirtirin Pathian Thu Samari mitha chanchin min hrilh thin laite kha ka thinlungah hian a cham renga ka hringnun hian ka theihngilh theih hlawl lo a ni. Khawvelah hian ka tan i lo hlu bera,nang ang nu ka lo nei che hi vanneih ka in ti a ka chhuang hle thin che a sin. Tun dinhmun thleng thei a in mi enkawl seilenna chungah ka lawm tak zet a ni.
Ka Nu,atthlak taka ka thil lo tih tawh zawng zawngah khan min ngaidam hram la, tun atang chuan fapa fel tak i nun tihimtu nih ka tum tawh ang. Keimah avanga i mittui tlakna leh zan mu pawh chhing thei lova i rilru ka lo tih hahna zawng zawngte,i rilru leh taksa, i thlarau tan Lalpan a let tam takin malsawmnaah chantir mawlh rawh se tih hi ka tawngtai sakna che a ni. Nu, ka rilru chhungrila awm tlat thil pakhat ka han hrilh ang che aw, khawvel nu zawng zawngah hian i hmeltha bera,i fel ber bawka, ka tan hian nu nih i tling tak meuh meuhva, ka lei malsawmna rohlu i lo ni tak zet a ni. Ka hming i lamna i awrawl mawi tak kha khawvel zaithiam ber an tih aw ai pawhin ka bengah chuan a mawi zawka, ka beng hriatna leh thinlungah hian a la cham reng thin a sin.
A tawp ber a tan chuan,lo inenkawl tha la, i fapa hian ka ngaiin ka hmangaih tak meuh che a ni tih hi i lo hrereng thin dawn a nia aw. Tawn leh ni tur thlir chung zelin zantin a tan mangtha mai le...
Print this post
Hun leh nite an herliama,thal thli a lo thaw a hnah hluite lo tilin fur ruahtui thiang lo tla in hnah thar a rawn chawr chhuahpui leh ang mai hian duat taka i mi enkawl seilenna, i hmangaihna tang nemah bei reng duh thin mah i la hringnun hi kan duh dan ringawtin a inher thei si lo,hreh tak chunga lenna tlang dan a lo ngai leh thin. Ka lo puitlin hun nghakhlel takin ka nitin nun hi beiseina nen i lo thlir reng thina, mi ang sa ang ka lo nih theih nan i ei leh in ai min pe a, a sur a sa pawh kian phal lovin siliper bun thlak tur tak ngial pawh nei lovin i hun leh nun zawng zawng ka tan i hlan thin a nih kha. Hun leh nite lo herliamin ka lo puitling ta ngei mai, mahse i beisei lo ang taka i hmagnaihna leh min chawiseilenna lamtluang kha haiderin i rilru tihahtu, i mittui titla fotu ka lo ni kha chu khawvela ka thil tih sual lian ber a lo ni. Engtin nge khang thil te kha ka lo tih theih zawk?
Tunah chuan puitling ka lo ni ve tawh a, hmun hrang hrangahte kalin i mi duhsakna avangin lehkha ka zira, lenrual ka awma,tawn hriat pawh ka kum milin tam tak ka lo nei ve ta, chung ka tawnhriat zawng zawng zinga ropui ka tih ber chu danglam ngai lova i mi hmangaihna hlu tak hi a ni. Khawvel zirna school hran hranah te kalin zirtirtu pawh mi fel tak tak ka lo tawng tawh thin, mahse chung zawng zawng ai chuan mawlmang taka nun kawng tha ka neih theih nana i mi zirtirna kha ka tan chuan a lo hlu zawk deih. Khawvel schoolah chuan ka zirlai ka pass a ka mawhphurhna ka hlen chuan kum a lo veiin Degree ka khum ve mai, mahse ka naupan lai ata tawh i mi zirtirna kha ka zira, ka zir meka ka la zir zel dawn a nih hi, a chhan chu ka nun pum innghahna lo niin ka la pass thei lo tlat.
Zan ka mut theih loh chana ka ngaihtuah chhuah hmasak ber thin chu, kan naupan lai khan zan thal khaw lum karah thlanzah(hmaizah)kengin kan unau zain min mut tlar tira, duat takin min zap hliau hliau thina, tawngtai dan te min zirtirin Pathian Thu Samari mitha chanchin min hrilh thin laite kha ka thinlungah hian a cham renga ka hringnun hian ka theihngilh theih hlawl lo a ni. Khawvelah hian ka tan i lo hlu bera,nang ang nu ka lo nei che hi vanneih ka in ti a ka chhuang hle thin che a sin. Tun dinhmun thleng thei a in mi enkawl seilenna chungah ka lawm tak zet a ni.
Ka Nu,atthlak taka ka thil lo tih tawh zawng zawngah khan min ngaidam hram la, tun atang chuan fapa fel tak i nun tihimtu nih ka tum tawh ang. Keimah avanga i mittui tlakna leh zan mu pawh chhing thei lova i rilru ka lo tih hahna zawng zawngte,i rilru leh taksa, i thlarau tan Lalpan a let tam takin malsawmnaah chantir mawlh rawh se tih hi ka tawngtai sakna che a ni. Nu, ka rilru chhungrila awm tlat thil pakhat ka han hrilh ang che aw, khawvel nu zawng zawngah hian i hmeltha bera,i fel ber bawka, ka tan hian nu nih i tling tak meuh meuhva, ka lei malsawmna rohlu i lo ni tak zet a ni. Ka hming i lamna i awrawl mawi tak kha khawvel zaithiam ber an tih aw ai pawhin ka bengah chuan a mawi zawka, ka beng hriatna leh thinlungah hian a la cham reng thin a sin.
A tawp ber a tan chuan,lo inenkawl tha la, i fapa hian ka ngaiin ka hmangaih tak meuh che a ni tih hi i lo hrereng thin dawn a nia aw. Tawn leh ni tur thlir chung zelin zantin a tan mangtha mai le...
No comments:
Post a Comment