Editorial
Nute ni kan lo thleng leh ta reng mai. Nute hi chawimawi an phu a, malsawmna dawng tlak pawh an ni. Kawl thufing chuan nute hi an thih thlengin chawmin dawm hlum inti mah la an hnute pakhat man pawh hi i rul zo lovang a ti. A dik a ni. He khawvel suahsualnaa bo rei deuh tan phei chuan nute han enkawl ve hun a va tlem dawn tak em!
Nu leh Pa te hi kan lei pathian an ni a, sap thufingah “Next to God, thy parents”(Pathian dawtah chuan I nu leh pa te hi an ni) a titawp a ni. Nute ni-ah hian I Nu tan engnge i pek ve dawn? I nu chuan i hnen atangin thil hlu eng mah a beisei ngai lo a, tunah pawh a beisei lo che, i hnen atanga a beisei ber chu i hmangaih ve a ni tih hi hriat a chak a ni. “Ka nu, ka thinlung zawng zawngin ka hmangaih che” i tidawn lom ni.
Tum khat pawh tlangval pakhat hian mel 200 vela hlaa awm a nu tan Nute ni-ah pangpar thawn tumin pangpar zawrhna dawrah kalin a fun tira, tin address te pein a thawn tir ta mai a ni. A chhuah lamah chuan naupang pakhat hi dawr sirah tapin a lo awm a, engvanga tah nge a nih a zawta Nute niah a nu pangpar a pe ve duha pawisa a nei daih lo hi a lo ni. Tlangval chuan pangpar chu a leisak a, naupangte nu hnenah pangpar pe tur chuan motor-in a phur ta a ni. An va kalna hmun chu thlanmual a lo ni reng mai a. Haw kawngah tlangval chuan a ngaihtuah vang vanga naupangte chu a khawngaih ta em em a ni. Tichuan pangpar dawrah kal lehin a pangpar thawn tura a tih chu a laa mel tam taka hla pawh nise a nu duh tak chu pangpar pe turin a pan ta vang vang a ni.
I nu chu a dam lai ngeiin I hmangaihzia thu hrilh la lan tir rawh. Mual an liam tawh hnu chuan inchhiar a sawt tawh lo a ni. (Vol.07// Issue 302 11 may 2014)
Nute ni kan lo thleng leh ta reng mai. Nute hi chawimawi an phu a, malsawmna dawng tlak pawh an ni. Kawl thufing chuan nute hi an thih thlengin chawmin dawm hlum inti mah la an hnute pakhat man pawh hi i rul zo lovang a ti. A dik a ni. He khawvel suahsualnaa bo rei deuh tan phei chuan nute han enkawl ve hun a va tlem dawn tak em!
Nu leh Pa te hi kan lei pathian an ni a, sap thufingah “Next to God, thy parents”(Pathian dawtah chuan I nu leh pa te hi an ni) a titawp a ni. Nute ni-ah hian I Nu tan engnge i pek ve dawn? I nu chuan i hnen atangin thil hlu eng mah a beisei ngai lo a, tunah pawh a beisei lo che, i hnen atanga a beisei ber chu i hmangaih ve a ni tih hi hriat a chak a ni. “Ka nu, ka thinlung zawng zawngin ka hmangaih che” i tidawn lom ni.
Tum khat pawh tlangval pakhat hian mel 200 vela hlaa awm a nu tan Nute ni-ah pangpar thawn tumin pangpar zawrhna dawrah kalin a fun tira, tin address te pein a thawn tir ta mai a ni. A chhuah lamah chuan naupang pakhat hi dawr sirah tapin a lo awm a, engvanga tah nge a nih a zawta Nute niah a nu pangpar a pe ve duha pawisa a nei daih lo hi a lo ni. Tlangval chuan pangpar chu a leisak a, naupangte nu hnenah pangpar pe tur chuan motor-in a phur ta a ni. An va kalna hmun chu thlanmual a lo ni reng mai a. Haw kawngah tlangval chuan a ngaihtuah vang vanga naupangte chu a khawngaih ta em em a ni. Tichuan pangpar dawrah kal lehin a pangpar thawn tura a tih chu a laa mel tam taka hla pawh nise a nu duh tak chu pangpar pe turin a pan ta vang vang a ni.
I nu chu a dam lai ngeiin I hmangaihzia thu hrilh la lan tir rawh. Mual an liam tawh hnu chuan inchhiar a sawt tawh lo a ni. (Vol.07// Issue 302 11 may 2014)
Print this post
No comments:
Post a Comment