Zarzoliana
Kum 2004 kumtir vel khan Malaysia ram atangin Zofate tan thlangtlak theihna kawng inhawng anga thuthang ka hriat ve angin zuam tak leh thatho zet mai hian ka inpu chhuak ve rawk mai a. Chutih lai chuan tun ang hian Alor leh a chheh velah Mizo mahnia in luah thei an la awm lo va, Mizo Quarter han tih tur ngat phei chu a teuhin a hnai lo a ni ber e. Chutichuan Yangon atanga min buaipuitute (Agent) ruahman ang chuan Malaysia ram chu kan thleng ve tawp a ni a! Sap tawng tlem azawng lo zir pilhpelh ve nilnial nafam chu ka khawzuam ve phian a, amaherawhchu Airport atangin kan buai ta nghal pang mai. KLIA Airport Check gate-ah khualzin pangngaiho an chhuah zung zungnaah chuan kan chhuak ve thei ta tlat lo. Thiam ang tawka a chhan ka han zawh ngial pawhin " Sawlaiah sawn lo nghak rawh u" tih a ni tawp. Agent emaw Boss emaw-ten min rawn hruai hma chu Airport-ah chuan lo nghahtlawk tlawk tur hi a lo ni a, chaw leh tui lo va, ni hnih thum lo tang tawhte pawh an lo awm nual nghe nghe!
Zing dar 10:30 vela kan thleng chu zan dar 11 velah min hruaitu tur chuan ka hming a rawn lam ve ta lauh lauh mai a, ka va'n lawm kher em! Mahse ka lawm rei lo nangiang mai. Aiport atanga darkar hnih dawn lai kan tlan hnu chuan mikhual an dahkhawmna in pakhatah min vawm lut ta tawp mai a, Vitnam, Bangali, Nepal hlir mai chu an lo mu khat thup a, zan a tlai tawh bawk nen min hruaitu pa lah chuan min hawnsan leh ta daih a, tichuan pawnlam bangkilah thosi chaw atan ka inpumpek ve ta tawp mai a ni. A zan khatna chu!
Ni hnih hnuah chuan ka awmna tur dik tak chu ka thleng ve thei ta hram a, chu lai hmun pawh chu " Tahna tur hlir a lo ni e" tih ang maiin a hmun leh ram reng reng chuan tah hi a tichhuak a ni ringawt. Yangon khawpuiah khum nuam tak leh Aircon hnuaiah chhungkuain kan khawsa ve thei a ni a, he lai ram hnuai leh mutna mumal pawh awm lohnaah tukzan hun ka hmang tur chu ka lawm thei lo a ni ber mai. Tuichhe paihna kawr rimchhe zet mai chu min hai fai tir tan ta a. Ram hnuai hnimbuk leh thingkung tamna a nih avangin thosi a tam em em bawk a, keilah pek chuan ram ropuia kal tur tiin thosilen ka lo keng hauh si lo va. A zan hnihna chu!
Khawimah vak chhuak thiam lo leh hmelhriat pakhatmah awm bawk si lo chu, chu hmunah chuan lungthlu lo zetin pi leh pute thuhnuah tuanzai ka rel tuktin ta mai a. Ral atanga ka thu hriat ramthumna lamtluang chu KA HA a ni bul tut. Thla tam fe hnuah Mizo unau hmel hriat thiante nen engemaw ti tiin kan inchhar ve ta hlawm a, chung zingah chuan Isua thian pawh hi a tel nghe nghe, mahse heng hun lai kum 2005 vel kha chuan keini enga tawng hmangho tan chuan UN beisei chu pialtlepa liluh tum ang vel a ni. Chutianga Beiseina a hlamzuih tak siah chuan ipte pui ak-in ka inpu hawng leh ta hnu hnu a!
Kum 2007 kum tawp lam atang erawh chuan mak tak maiin keiniho tan pawh ramthumna kawng a rawn inhawng ve tan ta! Kale/ Kabaw atangin mi tam takin Malaysia ram an pan a, kei pawh nuber thu awihin kum 2008 January thla khan ka liam thla ve leh ta a ni. Kum 2005 vel kha chuan mahni hming dik tak pawh kan sawi tha ngam lo a ni a, tun tum zet chu boruak a lo danglam ta zer mai. MRO hial a lo ding ta bawk a, tichuan pawlho thlazar hnuaiah tihtur pawimawh leh member nihna fee chi hrang hrangte kan han thu ve ta zel a, kum 2008 kum tawp lam khan UN chu kan nupain kan hmu ve ta hlawl mai a ni.
Malaysia MCF member zingah chuan UN phek hlai vuan rei ber kan ni hial awm mang e, tih turin kum 2010 December thla-ah UN Card kan dawng ta chauh a, heng hun laia kan rilru beidawnzia chu tawngkaa sawi fiah thiam rual a ni lo vang. Beidawn mai bakah a zahthlak tel a, thin a rim thin hle bawk. UN kan hmuhpuite ram thumna an kal tawh dawn tih han hriatphei chuan engemaw ti hian kan awm a, kan lawm thei ngai lo. Pathian chungah pawh kan vui hial thin a ni.
E.. khai, rin aiin kan thu a sei mai dawn. I han funkhawm dawn teh mai ang u. Kan ram harsatnain kan duh loh chungin min um chhuak a ni a, mahse kan nihna leh kan chanchin dik tak atang chuan khawngai tlak chu kan ni chuang hauh lo. Chuti chung chuan Kan tlin lo leh fel lohna zawng zawn haiderin UN khawngaihna kan dawng a, Pu John Pak thukhawchang ang khan UN chungah hian lawmthu sawi tur leh mawlsawmna pe mawlh mawlh thin tur kan lo ni. Helaia kan la tan chhan pawh hi ramthumna kan luh hun atana kan inbuatsaihna atan Lalpan min ruatsak a ni ang, tih i ringhlel lo vang u.
(Pu Zarzoliana hi Malaysia a a awm chhung khan MCF-ah Clerk leh secretray hna chelhin ZKC/Palai editor taima takin a thawk renga, tuna thuziak hi ramthumna a kal chhuah hma lawka a ziah a ni a, kan rawn thur chhuak leh a ni e. Editor)
Print this post
Zing dar 10:30 vela kan thleng chu zan dar 11 velah min hruaitu tur chuan ka hming a rawn lam ve ta lauh lauh mai a, ka va'n lawm kher em! Mahse ka lawm rei lo nangiang mai. Aiport atanga darkar hnih dawn lai kan tlan hnu chuan mikhual an dahkhawmna in pakhatah min vawm lut ta tawp mai a, Vitnam, Bangali, Nepal hlir mai chu an lo mu khat thup a, zan a tlai tawh bawk nen min hruaitu pa lah chuan min hawnsan leh ta daih a, tichuan pawnlam bangkilah thosi chaw atan ka inpumpek ve ta tawp mai a ni. A zan khatna chu!
Ni hnih hnuah chuan ka awmna tur dik tak chu ka thleng ve thei ta hram a, chu lai hmun pawh chu " Tahna tur hlir a lo ni e" tih ang maiin a hmun leh ram reng reng chuan tah hi a tichhuak a ni ringawt. Yangon khawpuiah khum nuam tak leh Aircon hnuaiah chhungkuain kan khawsa ve thei a ni a, he lai ram hnuai leh mutna mumal pawh awm lohnaah tukzan hun ka hmang tur chu ka lawm thei lo a ni ber mai. Tuichhe paihna kawr rimchhe zet mai chu min hai fai tir tan ta a. Ram hnuai hnimbuk leh thingkung tamna a nih avangin thosi a tam em em bawk a, keilah pek chuan ram ropuia kal tur tiin thosilen ka lo keng hauh si lo va. A zan hnihna chu!
Khawimah vak chhuak thiam lo leh hmelhriat pakhatmah awm bawk si lo chu, chu hmunah chuan lungthlu lo zetin pi leh pute thuhnuah tuanzai ka rel tuktin ta mai a. Ral atanga ka thu hriat ramthumna lamtluang chu KA HA a ni bul tut. Thla tam fe hnuah Mizo unau hmel hriat thiante nen engemaw ti tiin kan inchhar ve ta hlawm a, chung zingah chuan Isua thian pawh hi a tel nghe nghe, mahse heng hun lai kum 2005 vel kha chuan keini enga tawng hmangho tan chuan UN beisei chu pialtlepa liluh tum ang vel a ni. Chutianga Beiseina a hlamzuih tak siah chuan ipte pui ak-in ka inpu hawng leh ta hnu hnu a!
Kum 2007 kum tawp lam atang erawh chuan mak tak maiin keiniho tan pawh ramthumna kawng a rawn inhawng ve tan ta! Kale/ Kabaw atangin mi tam takin Malaysia ram an pan a, kei pawh nuber thu awihin kum 2008 January thla khan ka liam thla ve leh ta a ni. Kum 2005 vel kha chuan mahni hming dik tak pawh kan sawi tha ngam lo a ni a, tun tum zet chu boruak a lo danglam ta zer mai. MRO hial a lo ding ta bawk a, tichuan pawlho thlazar hnuaiah tihtur pawimawh leh member nihna fee chi hrang hrangte kan han thu ve ta zel a, kum 2008 kum tawp lam khan UN chu kan nupain kan hmu ve ta hlawl mai a ni.
Malaysia MCF member zingah chuan UN phek hlai vuan rei ber kan ni hial awm mang e, tih turin kum 2010 December thla-ah UN Card kan dawng ta chauh a, heng hun laia kan rilru beidawnzia chu tawngkaa sawi fiah thiam rual a ni lo vang. Beidawn mai bakah a zahthlak tel a, thin a rim thin hle bawk. UN kan hmuhpuite ram thumna an kal tawh dawn tih han hriatphei chuan engemaw ti hian kan awm a, kan lawm thei ngai lo. Pathian chungah pawh kan vui hial thin a ni.
E.. khai, rin aiin kan thu a sei mai dawn. I han funkhawm dawn teh mai ang u. Kan ram harsatnain kan duh loh chungin min um chhuak a ni a, mahse kan nihna leh kan chanchin dik tak atang chuan khawngai tlak chu kan ni chuang hauh lo. Chuti chung chuan Kan tlin lo leh fel lohna zawng zawn haiderin UN khawngaihna kan dawng a, Pu John Pak thukhawchang ang khan UN chungah hian lawmthu sawi tur leh mawlsawmna pe mawlh mawlh thin tur kan lo ni. Helaia kan la tan chhan pawh hi ramthumna kan luh hun atana kan inbuatsaihna atan Lalpan min ruatsak a ni ang, tih i ringhlel lo vang u.
(Pu Zarzoliana hi Malaysia a a awm chhung khan MCF-ah Clerk leh secretray hna chelhin ZKC/Palai editor taima takin a thawk renga, tuna thuziak hi ramthumna a kal chhuah hma lawka a ziah a ni a, kan rawn thur chhuak leh a ni e. Editor)
No comments:
Post a Comment