Editorial
Khawvel thil thleng zinga rapthlak ber pawla sawi thin chu kum 2004 khan India tuifinriat tsunami (Indian Ocean tsunami) thlipui leh tuilet avangin mi 290000 an thi a, in leh lo tam tak a chhe bawk a ni. Pu Tsunami-a chet dan hi rapthlak tak a ni ringawt mai. Pu Tsunami-a hian dikna (justice) a hre lova, human right pawh a hre hek lo; tuma dan theih lohvin a duh danin a kal ngut ngut a ni ber mai. Kum 2011 March bawk khan Japan ramah Pu Tsunami-a avang vekin mi 15885 an thi leh a, building 272788 chuang a ti chhe leh a, chhungkaw tam tak a tihlum a, a sawi sa a, a tidarh a, nu leh pa, u leh nau nei lovin a siam a ni.
Chuti ang chuan, kum 2014 May-ah MCF chu Pu Tsunami-an zahngaihna nei miah lovin a rawn vaw darh a, a theih tawk na-in a sawi sa a, chu pawh chu duh tawk lovin a vaw hlum law law a, MCF chu a vui liam ta a ni (RIP). A rapthlak thin hle mai. He thil thleng rapthlak tak mai pawh hi mizo khawvelah chuan eng tikah mah a dai ngai tawh lovang.
Japan ram mipuite chuan beidawng mai lovin Pu Tsunami-a thil tihchhiat zawng zawngte chu siam that hna thawkin mipuite thlamuang taka an awm theih nan theih tawp chhuah tak meuhin an tungding leh a, an din thar leh a ni. Kei ni pawh Japan ram anga beidawng mai lovin Malaysia MCF hi kan siam that leh a, mipuite thlamuang taka awm thei turin leh innghahfakna ni thei turin theih tawp chhuah tak meuhin tan kan lak a tul a ni.
Chumi atan chuan nang leh kei hi kan pawimawh ber a ni. Malaysia MCF din thar leh tur hian Pastor leh EC te mawhphurhna chauh a ni mai lova, nang leh keia mawhphurhna a ni tih hi, i hre thar leh ang u! MCF hi tu ta nge? Tu nge pawimawh ber? MCF hi member zawng zawng theuhte ta a ni a, member zawng zawng theuhte hi kan pawimawh bera kan mawhphurhna a ni. Chuvangchuan, MCF tan hian nang malsawmna ni ang che.(Lalrinsanga) (Zo Kawtchhuah Vol.10//Issue 105 June 2014)
Print this post
Chuti ang chuan, kum 2014 May-ah MCF chu Pu Tsunami-an zahngaihna nei miah lovin a rawn vaw darh a, a theih tawk na-in a sawi sa a, chu pawh chu duh tawk lovin a vaw hlum law law a, MCF chu a vui liam ta a ni (RIP). A rapthlak thin hle mai. He thil thleng rapthlak tak mai pawh hi mizo khawvelah chuan eng tikah mah a dai ngai tawh lovang.
Japan ram mipuite chuan beidawng mai lovin Pu Tsunami-a thil tihchhiat zawng zawngte chu siam that hna thawkin mipuite thlamuang taka an awm theih nan theih tawp chhuah tak meuhin an tungding leh a, an din thar leh a ni. Kei ni pawh Japan ram anga beidawng mai lovin Malaysia MCF hi kan siam that leh a, mipuite thlamuang taka awm thei turin leh innghahfakna ni thei turin theih tawp chhuah tak meuhin tan kan lak a tul a ni.
Chumi atan chuan nang leh kei hi kan pawimawh ber a ni. Malaysia MCF din thar leh tur hian Pastor leh EC te mawhphurhna chauh a ni mai lova, nang leh keia mawhphurhna a ni tih hi, i hre thar leh ang u! MCF hi tu ta nge? Tu nge pawimawh ber? MCF hi member zawng zawng theuhte ta a ni a, member zawng zawng theuhte hi kan pawimawh bera kan mawhphurhna a ni. Chuvangchuan, MCF tan hian nang malsawmna ni ang che.(Lalrinsanga) (Zo Kawtchhuah Vol.10//Issue 105 June 2014)
No comments:
Post a Comment