Thalaite rahbi tharah

By:  James Chhana 

Australia

Khawvel a lo changkang chho zel angin thalaite nun dan pawh a lo changkang chho ve zel a. Mihringte tana hmanraw tangkai tak leh a tel lova kan awm theih loh deuh thaw, technology bungruate pawh mak dang lam tak tak, khawte kilkhawra awmte tan chuan kan ngaihtuahna pawh a chhui phak loh tur a rawn chhuak thar zel a nih hi. Khawvel mihring finna leh thiamna hmasawn zelin a rawn hrin chhuah hmanraw tangkai berte zing ami chu Internet hi a ni kan ti thei ang. Kum zabi 21-nain Internet khawvel thar a rawn hring chhuak ti ila a sual tamin ka ring lo. Chu internet khawvel tharah chuan keini Zofate pawh kan cheng ve a, hmun pawh a luah thuk ve tawh hle a ni. Internet kan lo hmelhriat thui deuh deuh ta hi rahbi thar zawng a ni ngei mai. Mi then khat chuan internet hi thil tha lo tih nan te, mi bum nan te leh chin tha lo chi hrang hrang tih nan an hmang ve bawk. A hman dan tha leh kawng tha in chhawp chhuah dan, mahni tawng hmang theuhva kan in zirtira hmasawnna atana kan hman theih dan tur kawng zawn hi kan tihmakmawh tur pakhat niin ka hria. Chu chu keini Zofa thalai ten rahbi thara kan neiha tan kan lak a tul tak meuh a ni.

Contact Us

1. Zokawtchhuah leh Palai-ah thu i chhuah duh a nih chuan heng a hnuaia Email Address-ah hian min rawn thawn thin dawn nia.

1. awmte246@gmail.com
2. mcfmls@gmail.com
3. malaysiamcf@gmail.com

2. Buaina emaw harsatna emaw i neih chuan a hnuaia Address-ah hian lo kal la, kan lo tanpui ang che.

Malaysia MCF Office

No. 90-B, 1st Floor
Jalan Alor, 50200
Kuala Lumpur
Malaysia
Ph. & Fax: 603-2144-2081

3. Clerk, Coordinator leh Pastor-te i phone/SMS duh chuan a hnuaia phone No hian i phone/SMS thin dawn nia.

1. 017-287-1323 (Editor/Clerk)
2. 012-691-0376 (Coordinator)
3. 018-271-0838 (Pastor)

Puchong-ah Malaysia MCF Pastor leh hruaituten bial an fang

"Puchong Cell Group" sawmna angin Dt. 24/5/2014-ah Pastor Luan Mawngate nupa, Pu Singkhuma leh Pu Josephsaia te chu Puchong Cell Group-te tlawh turin an zuk kal a, Puchong Cell Group President Pu Ruatpuia leh Secretary Pu Sanga ten hlim takin an lo hmuak a, an chungah kan lawm hle a ni. Puchong Cell Group-ten ruai ropui tak an lo buatsaihsak a, an entawntlak hle a ni. Zan dar 9:00-ah inkhawm tan a ni a, Pu Singkhuma inkhawm a kaihruai. Pu Josephsai'an hun hlan tawngtai a hman hunin inhmelhriattirna neih a ni. Puchong Cell Group atangin mi 25 zet an rawn kalkhawm thei a, an fakawmin a thlamuanthlak hle a ni. Hemi zan hian tawngtai beihpui thlak a ni a, tawngtai boruak pawh a zang khawp mai. Rev. Luan Mawng'an "Immanuel" "Pathian kan hnenah a awm" tih thupui hmangin Pathian thu a sawi a, member-ten kan hlawkpui hle a ni. Zan dar 10:40-ah inkhawm program tihtawp a ni a, kan hruaitute pawh zan dar 11:00-ah KL lam panin an haw leh ta vang vang mai a ni.

Tumbuk-ah Malaysia MCF Pastor leh Hruaitute Bial An Fang

Dt. 27/05/2014 Thawhleh khan Malaysia MCF Pastor leh Hruaituten Tumbuk lam member-te sawmna angin bial an han fang (Tumbuk hian meeting meuhin thutlukna hi an siam a ni). Lalpa a inpuang zel a, Branch leh Cell Group-te sawmna "aw ka" KL Malaysia MCF hian a dawng zel a a lawmawm tak zet a ni.

Zofate leh eizawnna

 By: Josia Z. Khiangte

Khawvel hring nunah hian mi tinte hian pawimawh tih zawng kan nei theuh a, mahse; kan pawimawh tih zawng pakhat leh pakhat a inang lo nuk a, pawimawh kan tihdan pawh a inchen lo hlawm ngei ang.  Amaherawhchu eizawnna hi mitin ten pawimawh ber pakhatnaah dah vek kher lo mah ila, a pawimawh berte zingah chuan kan dah ve ngei ang tih chu kan pawm tlangin a rinawm.
Eizawnna kan tih hian a kawh tum ber ni a lang chu, ei kan hmuh theih nana kan hnathawh, kan rinpui ber hi a ni a, a chhan chu ei hmu tur chuan hnathawh a ngaih tlat vang a ni.

Ngaihtuah tur pawimawh tak chu keini zofate hian engtin nge tun lai khawvel changkang tawh takah hian ei kan zawn ve theih ang, tih hi a ni. Eizawnna tha kan neih theih nan thil tul tam tak a awm ngei ang. Amaherawh chu, a tul leh pawimawh nazawng kan sawi seng vek dawn lo a, tul zual bikte chauh tarlan kan tum dawn a ni. Chung thil pawimawh tak maite chu:

1. Hnathawh
2 .Taih mak
3. Tui zawng leh thiam bik neih te hi a ni.

Malaysia MCF Blog siam mek a ni

Internet lama buaina avangin Zokawtchhuah.com kha entheih a ni tawh lova, tunah hian a tharin kan rawn siam leh a, hei hi a remchan dan ang zela siamthat leh sawngbawl zel tur a ni.